¶Hoowe the duke of Lancastre & the Duches helde them at saynt Iames in Galyce / and of the com∣forte that the frensshe knyghtes gaue vnto the kynge of Castell. Ca. lii. (Book 52)
THe same season yt the duke of Laucastres marshal rode abrode in ye coūtrey of Galy¦ce & made ye coūtrey to tour∣ne to ye obeysaunce of ye duke & duches who lay at the tow¦ne of compostella otherwyse called saynt Iames in galyce / oftē tymes they herde tydynges fro ye kynge of Portyngale / & ye kynge fro them / for they sente & wrote eche to other wekely / & on the other party kyng Iohn̄ of Castell lay that season at Valeolyue and ye knyghtes of fraunce with hym with whom he spake often tymes of his busynes & demaūded of them counsayle and somtyme he sayd to thē. Syrs I haue grete meruayle yt there cometh no more ayde to me out of fraūce / for I lese my countrey and am lyke to lose without I fynde some other remedy / the englysshmen kepeth ye feldes & I knowe well that the duke of Lanca¦stre and the kynge of Portyngale haue ben to∣gyder / and myne aduersary the kynge of Por¦tyngale shall haue in maryage one of ye dukes doughters / and as sone as they be wedded / ye shal se bothe theyr puyssaunces ioyne togyder & entre in to my royalme & so gyue me to mo∣che to do. Then the frensshe knyghtes answe∣red to comforte the kynge and sayd syr take no thought therfore / for yf the englysshmen wyn on ye one syde they lese on ye other / for we know surely that the frensshe kynge with mo then a. C.M. men of warre is as nowe in the royal∣me of Englande & dystroyeth and conquereth the countrey / and when they haue done & brou¦ght al Englande in subieccyon / then ye frensshe kynge wyl take agayne ye se / & or somer be past aryue at coulogne in galyce & wyn agayne mo¦re in a moneth then ye haue lost in a hole yere / & the duke of Lancastre shal so be inclosed yt he shal be fayne to fle in to portyngale & so ye shal take vengeaūce of your enemyes / for syr know surely yt if the busynes offraūce had not ben so grete as it is for the voyage in to englande ye sholde haue had here or this .iii. or .iiii.M. spe¦res of frensshmen / for ye frensshe kynge his vn∣cles & coūsayle haue grete affeccyon to cōforte & ayde you to brynge your warres to an ende syr care not though ye englysshmen nowe kepe ye feldes & wyn a lytel of your countrey. Sure¦ly syr or it be ye feest of saynt Iohn̄ baptyst they shal al be dryuen away / ye kyng toke these wor for good / & toke cōforte in thē / & ye frensshe kny¦ghtes sayd nothyng but as they thought was true for they reputed surely as then ye frensshe kynge to be aryued in Englande / & so it was