¶Howe Laurence Fongase shewed the duke of Lancastre the maner of the batayle of Iuberoth bytwene the kynge of Castel and the kynge of Por¦tyngale. Ca.xlv. (Book 45)
ANd after this dyscom∣fyture on our enemyes our men mounted on theyr hor∣ses / and there we delyuered suche prysoners as the Ca∣stellyans had taken before / & also gaue them suche pylla∣ge as theyr enemyes had gotten / excepte ye bee∣stes whiche were in nombre an .viii. hundreth all those we draue in to the garyson of Treu∣touse for vatayllynge of the towne as it was reason / & there we were receyued with grete ioye they wyst not what chere to make vs by∣cause we had delyuered y• coūtrey of theyr ene¦myes / & rescued that they had lost / wherby we had grete prayse thrughe all ye townes of Por∣tyngale / & syr in the same yere our men had an∣other fayre iourney on theyr enemyes in ye fel∣de of Sybylle / but syr fyrst I shall shewe you the moost happyest iourney that the kynge of Portyngale had or ony kynge before hym in .CC. yere before / whiche was done within .iiii monethes before that yt kynge sente vs hyther our enemyes were .iiii. agaynst one of good men of warre and of hyghe empryse / wherfore our iourney ought to be ye more praysed. But syr I thinke ye haue herde therof al redy / wher¦fore I thynke best to speke not therof / nay sayd the duke ye shall not leue so / ye shall shewe me the hole processe / for I wolde gladly here you speke therof / yet of trouthe I haue an heraulte here with me called Derby who was there at the batayle as he sayth / and he shewed me that suche Englysshe men as were there dyd mer∣uaylles in armes / and more by his reporte thē I bileue was of trouth / for there was no grete nombre of them wherby ony grete feate sholde be done by them / for my broder ye erle of Cam∣brydge when he came out of Portyngale brou¦ght agayne with hym suche Englysshmen as wente thyder. But there be many of these He∣raultes be suche lyers that they wyll exalte su∣che as they lyst beyonde measure / But for all that the noblenes of them that be good is not lost nor enpayred thoughe it be not shewed by them. Therfore it is good to knowe it by the reporte of other that knoweth it. ¶Syr sayd Laurence of all the straungers that were at the batayle of Iuberoth with ye kynge of Por¦tyngale / there passed not a two hundred men Englysshe / Gascoynes / and Almaynes / and the grettest capytaynes that were there of the straungers were two Gascoynes / and one of Almayne of the duchy of Guerles. The Gas∣coynes were called syr Wyllyam of mountfer∣rant / and Bernardon / and ye Almayne Albert of Englysshmē there were a certayne archers but I herde none named / but .ii. squyers Nor¦thbery and Hartecell / and they were called to counsayle with the kynge and other lordes be∣fore the batayle. Well sayd the duke prosede forthe & tell me of that iourney & howe it was fought I requyre you / syr sayd ye squyer with ryght a good wyl / for syr to shewe you & other howe it was I am sente hyther fro the kynge my mayster.
THen Laurence Fongase renewed his tale and spake of the busynes of Iube∣roth and sayd thus / syr ye haue herde by me / & also by other that after the coronacyon of the kynge of Portyngale at Connymbres / yt kyng of Castell who had raysed his syege fro Lyx∣bone / for the dethe of pestylence that fell in his