Here begynneth the thirde and fourthe boke of sir Iohn̄ Froissart of the cronycles of Englande, Fraunce, Spaygne, Portyngale, Scotlande, Bretayne, Flaunders, and other places adioynyng, translated out of Frenche in to englysshe by Iohan Bourchier knyght lorde Berners, deputie generall of ye kynges towne of Calais and marchesse of the same, at the co[m]maundement of our most highe redouted souerayne lorde kyng Henry the eyght, kynge of Englande and of Fraüce [sic] [and] highe defender of the Christen faithe. [et]c

¶Howe the erle of Derby departed fro London to go in to Fraunce / and the erle Marshall went in to Flaun∣ders / and so in to Lombardy. Cap. CC.xxx. ∵ ∵ (Book 230)

WHan these two Erles sawe what sentence y^e kyn¦ge had gyuen theym / they were ryght sore pensyue / and good cause why. The erle Marshall sore repen∣ted him of that he had said and done. For whan he began the mater / he thought otherwyse to haue ben borne out by the kyng / than he was. For if he hadde kno∣wen as moche before / he wolde neuer haue begon the matter. Whan he sawe there was no remedy / he made hym redy / and made his exchaung fro London to Bruges / and so cāe to Calays / where as he had been capitayne / and there toke his leaue and so went to Bru¦ges / and there taryed a fyftene dayes / & than to Gaunt / and so to Maynges / and finally to Colloigne. ¶Lette vs leaue spekyng of hym and speke or the erle of Derby / who pre∣pared hym selfe in lykewise to departe out of Englande / accordyng to the kynges sentēce.

Whan his daye of departure aproched he came to Eltham to the kynge / where as the duke of Lācastre his father was / and the du¦ke of yorke with them / the erle of Northum∣lande / and sir Henry Percy his sonne / with a great nombre of other knyghtes and squy¦ers of Englande / suche as loued hym. And were soore displeased of the fortune / that he must auoyde the realme. These lordes came thyder to se what ende the kynge wolde ma∣ke in the mater / of whose cōmyng the kynge made semblaunt to be right ioyfull / and ma∣de them great chere / and helde a great court. Also there was the erle of Salisbury / and the erle of Huntyngton brother to the kyng / who hadde to his wyfe the duke of Lanca∣stres doughter / and suster to the erle of Der¦by. These two lordes came to therle of Der∣by / I knowe nat if they dissymuled or nat. At the erles departynge / the kynge humyled hym greatly to his cosyn of Derby / and said As Godde helpe me / it right greatly displea¦seth me / the wordes that hath been bytwene you and the Erle Marshalle. But the sen∣tence that I haue gyuen is for the beste / and for to apease therby the people / who greatly murmured on this matter. Wherfore cosyn / yet to ease you somwhat of your payne / I re¦lease

my Iudgement fro tenne yere to syxe yere. Cosyn / take this a worthe / and ordyne you therafter. The erle answered and sayd. Sir / I thāke your grace / and whan it shall please you ye shall do me more grace. All the lordes that were there / were well contented with the kynge / as for that tyme. Than eue∣ry man departed / and some went to London with the erle of Derby. The Erle made all his prouisyon at Douer to passe to Calays. And the erle beyng at London / or his depar∣ture / was counsayled by his father for to go streight to the Frenche kynge / and to his co∣syns in Fraunce / And accordynge to his fa∣thers counsayle so he dyde / or elles he wolde haue gone to the erle of Ostrenaunt his bro∣ther and cosyn. Whan the Erle departed fro London / there were in the stretes mo thanne fourtie thousande men / wepyng and cryeng after hym / that it was pytie to here. And sōe said. O gentyll erle of Derby / shall we thus leaue you? This Realme shall neuer be in ioye / tyll ye retourne agayne: But the daye of retourne is very longe / for enuy / falsehed and trayson / hath putte you out of this Re∣alme / where as ye ought to abyde rather thā many other. For ye are of suche lynage / and of so noble blode / that none ought to be com¦pared to you. And gentyll erle / why shalle we leaue you? ye neuer dyde nor thought y∣uell.

THus men & women pituously spake He was nat conueyed out of the cy∣tie with instrumentes / but with la∣mentable wepynges. And some sayd secrete¦lye. Cōsyder the order of these people / what displeasure they take for a small occasyon. Who so euer wolde styrre the Londoners to ryse agaynst the kyng / he might than go seke further: & flye out of the realme / rather than the erle of Derby. but it is as nowe no tyme / sithe the duke of Lācastre his father suffreth if / we must nedes suffre it. The mayre of Lō∣don and a great nombre of the chiefe burges∣ses / accompanyed therle of Derby out of the cytie. Some rode to Dartforde and some to Douer and sawe hym take shippyng / & than they retourned. And the erle of Derby or he came to Calais / he hadde sent a knyght and an heraulde to the Frenche kyng / and to his brother the duke of Orlyaunce and to y^e kyn∣ges vncles / the dukes of Berrey / of Burbon and of Burgoyn / to knowe the kynges plea∣sure / if he wolde suffre the Erle to abyde at Parys / and to kepe there his house / & to pay for euery thyng that he or his men shulde ta∣ke: To this request the Frenche kynge and his vncles lightly agreed / and shewed that they were right ioyfull of his cōmynge / and said / howe they were ryght sorie of the erles trouble. These messangers returned to Ca∣lais / and fouude the erle redy there. The frē¦che kynge sent sir Charles of Hangers to o∣pen all the cyties and townes bytwene Ca∣lais and Paris / to receyue therle and his cō∣pany. Thus the erle of Derby departed fro Calays and toke the waye to Amyence / and in euery place he was well receyued.

∴ ∴