¶Of the dethe of the duke of Glou¦cestre and of the exle of Arūdell / and howe the kynges vncles and the lon¦doners toke the mater. Capi. CC.xxvi. (Book 226)
YE haue herde here before / of the couert hates that was by∣twene kynge Rycharde of En∣glande / and his vncle Thomas duke of Gloucestre / whiche the kynge wolde beare no lengar / but sayd / and also was counsayled / rather to distroye ano¦ther man than hymselfe. And ye haue herde howe the kyng was at Plasshey / & by crafte and coloure / brought hym out of his owne house to London / And by the waye about .x. or a .xi. of the cloke in the nyght / therle mar∣shall arested hym in the kynges name. And for all that he cryed after the Kynge / yet the kynge made a deafe eare / and rode on before and so the same nyght the kynge laye at the towre of London / but the duke of Glouce∣cestre was otherwise lodged. For byforce he was put in to a Barge / and out of the barge in to a shyppe that laye in the Thamise / and the erle marshall with hym and all his com∣pany. And dyde so moche / that the nexte day by night they came to Calais / without kno∣ledge of any man / excepte the kynges offy∣cers of the sayd towne.
yE maye well knowe / whan̄e the ta∣kynge of the duke was knowen at Pla••hey / by the duchesse and her chyldren / they were sore troubled and abas∣shed / and thought well that the matter went nat well. The duchesse demaunded coūsaile (what was best to do) of sir Iohan Laquy∣ham. The knight answered / that it was best to sende to his bretherne / the dukes of Lan∣castre and of yorke / that they myght fynde some meanes to apeace the kynges dysplea∣sure. For he sayde / he thought that the kyng wolde nat displease them. The duchesse dyd as the knyght counsayled her / and she sente incontynent messangers to these two dukes / who were farre a sondre / who whanne they herde therof / were sored displeased / and sente worde agayne to the duchesse that she shuld be of good cōforte. For they sayd / they knew well the kyng wolde nat entreat hym but by laufull iudgement / for otherwise they coude nat suffre it: but as thanne they knewe natte where he was. The Duchesse and her chyl∣dren were somwhat conforted with their an∣swere. The kynge the nexte daye wente fro the towre of London to Eltham / and there taryed. The same night was brought to the towre of London as prisoners / the erle of A∣rundell and the Erle of Warwyke / wherof they of the cytie of London had great mar∣ueyle / and made therof great murmurynge / but none durst saye nay agaynst the kynges pleasure. But all maner of people / knightes squyers / burgesses of good cyties & townes of Englāde said. We haue very well suffred. the duke of Lancastre and the duke of yorke / bretherne to the duke of Gloucestre / They maye prouyde for this whanne it please thē. We thynke they wolde well haue prouyded for the mater / if that they hadde knowen the