¶Howe the kyng of Hungry wrote to the Frenche kynge the state of the great turke / and howe Iohn̄ of Bur¦goyn eldest sonne to the duke of Bur¦goyne was chefe and heed of the ar∣my that went thider. Cap. CC.vi. (Book 207)
IN this sayd season / Hē∣ry kyng of Hūgry sent swete and amyable letters to ye frē∣che king / by a notable ambas¦sade a bysshop and .ii. knigh¦tes of Hungry. In the same letters was cōteyned a great parte of ye state and doyng of the great turke / and how that he had sent worde to the kynge of Hungry / yt he wolde come and fight with hym in ye myd¦des of his realme and wolde go fro thens to the cytie of Rome / and wolde make his horse to eare otes vpon the high auter of saynt Pe¦ter / and there to holde his see imperyall / and wolde bringe the emperour of Constantyne the noble in his cōpany / and all the great ba∣rons of the realme of Grece / and eche of thē to kepe styll their owne lawe / for he desyred nothynge but the tytell and signorie. Thus the kyng of Hūgry in his letters / prayed the Frenche kyng to entende to ayde and socour him / and that this businesse in farre coūtreis might he publisshed abrode / to thentent that all knightes and squyers myght prouyde to come in to Hungry / to resyst agaynst Lamo∣rabaquy the great turke / to thentent yt Chri∣stendome shulde nat be violated by him / and that his pride and bost myght be abated. In these letters were conteygned many wordes of great loue / as kynges & cosyns write eche to other in case of necessyte. And they were sente by suffycient personages / who dyde so moche / that the Frenche kynge enclyned his hert therto / and was the gladder to sette for∣warde the treatie of ye mariage of his dough¦ter / to the kynge of Englande. Than anone these newes of Hungry were publysshed a∣brode / and written in to many countreis / to moue the hertes of gentylmen / knightes and squiers / suche as wolde auaunce them to get honour. The same season that these newes were brought to the kyng / there was at Pa∣rys the duke of Burgoyne and the duchesse / and Iohan of Burgoyne their sonne & heyre erle of Neuers / who as than was no knyght and the lorde Guye of Tremoyle & the lorde Wyllyam his brother / and many lordes and other of the realme of Fraunce. Than the du¦ke of Burgoyne enclyned sore to this viage / and specially that his son̄e shulde enterprice the sayd voyage / so he myght be chefe heed & leader of the army / that shulde go in that vi∣age. This Iohan of Burgoyne was but a yonge man / of the age of .xxii. yeres / Wyse / curtesse / tretable / humble / and welbeloued of knyghtes and squyers of Burgone / and of other nacyons / suche as knewe hym. He had to wyfe the doughter of duke Aubert of Ba∣uier / erle of Heynalte / Hollande / and zelāde / a good lady / wyse and deuout: and had two chyldren full lykely to come to great marya∣ges. One shewed this Iohan of Burgoyne howe the Frenche kyng wolde sende hym in this voyage in to Hungry / to se what he wol¦de saye. Than he sayd / if it pleace the kynge and the duke my father to sende me as chiefe of this armye / it shall please me ryght well / for I haue great desyre to auaunce my selfe. well sir quod they / ye were best to speke with the duke youre father that he maye speke to the kynge / for without his good wyll ye can do nothynge.
IT was nat long after / but that this Io¦han of Burgoyne spake to his father / prayeng hym humbly to consent yt he myght