Here begynneth the thirde and fourthe boke of sir Iohn̄ Froissart of the cronycles of Englande, Fraunce, Spaygne, Portyngale, Scotlande, Bretayne, Flaunders, and other places adioynyng, translated out of Frenche in to englysshe by Iohan Bourchier knyght lorde Berners, deputie generall of ye kynges towne of Calais and marchesse of the same, at the co[m]maundement of our most highe redouted souerayne lorde kyng Henry the eyght, kynge of Englande and of Fraüce [sic] [and] highe defender of the Christen faithe. [et]c

¶Howe the duke of Thourayn bro∣ther to the kyng resigned the duchy of Thourayne in to the kynges han∣des: and howe by exchaūge the kyn¦ge gaue hym the duchy of Orlyaūce and so euer after he was called duke of Orlyaunce. Cap. C.lxxxvii. (Book 188)

IN the same season that the kyng was thus nighe redy to departe out of Pa∣rys / to shewe that he toke that busynesse / as to hym selfe / there was an exchaū∣ge made of landes gretly to the profyte of the duke of Thourayne / for he resygned in to the kynges handes the du∣chy of Thourayne / and the kyng gaue hym the duchy of Orliaunce / in lyke maner as aū¦ciently duke Philyp of Orlyaunce helde it / whiche was four tymes better in value than the other was. so thus fro hens forthe in this hystorie I shall name hym that was duke of Thourayne duke of Orlyaūce. ¶Whan sir Olyuer of Clysson was all hole and that he might ryde / the Frenche kyng was right ioy¦full and said: howe he wolde tary no lengar and so on an euenyng he toke his leaue of the quene Isabell his wyfe / and of the newe du∣chesse of Orlyaunce / and of all other ladyes and damoselles / and so dyde the duke of Or∣laūce in lykewise. Than they departed and rode to supper to Mōtague / and the duke of Burbone / the erle of Namure / and the lorde of Coucy with hym. There the kyng laye & dyned there / & after dyner they departed and laye all night at saynt Germayns / and there laye a seuyn dayes. and as than y^e kyng was somwhat diseased / and his phisicions wolde haue had hym to haue rested hym selfe / but y^e kyng was so wyllyng in his iourney / that he sayde howe he was moche better at his ease / than he was in dede / whiche he dyde to gyue corage to his men to set forwarde / for as thā his two vncles / the dukes of Berrey & Bur∣goyne were behynde / & shewed well by their maner / that the same iourney greued them / nor they wolde nat haue gone by their good wylles / howe be it they hadde made their as∣semble and to saue their honour they obeyed and folowed.

WHan the Frenche kyng hadde rested hym a fyftene dayes at saynt Ger∣mayns / and that his armye was as∣sembled / than he departed and passed the ry∣uer of Seyne / and toke the waye to Char∣ters / and so to Annens / a good towne and a castell / parteyning to the lorde de la Ryuer / as herytage of his wyues. With the kynge was his brother the duke of Orlyaunce and the duke of Burbone. The lorde de la Ry∣receyued the kynge honorably / and there ta∣ryed thre dayes / and than rode to Charters where as Montague was bysshoppe. The kynge was lodged in the bysshoppe palais and the two dukes. And the seconde day af∣ter thyder came the duke of Berrey and the erle of Marche in his cōpany. And the fourh daye thider cāe the duke of Burgoyne / wher of the kynge was ryght ioyfull / and people came dayle / and the kyng sayd he wolde nat retourne to Parys tyll he hadde brought the duke of Bretayne to reason / who so often ty∣mes had put hym to payne and trouble. The kynges counsayle hadde so sette hym on that warre / that the dukes of Berrey and of Bur¦goyne wolde gladly haue modered y^e mater / but they coulde nat be herde / wherwith they were sore displeased / & so were suche as were of their coūsayls: and they said eche to other that surely the mater coude nat long endure in that state / for it is full lykely that the kyn∣ge and the realme shall haue some busynesse to do / sithe the kyng refuseth the counsaile of his vncles / and leaneth to other at his plea∣sure / who be nothyng lyke to thē. Whan the kyng had taried at Charters a seuyn dayes / than he departed and toke y^e waye to Mans and his men folowed / some fro farre partes / as out of Arthois / Beamoys / Vermandois / and Picardy: and some said one to another. Ah / this duke of Bretayne maketh vs to ha∣ue moche to do / & putteth vs to great payne and traueyle. He hath been alwayes harde & highe herted agaynst the crowne of Fraūce / nor he neuer loued nor honored it. And his cosyn the erle of Flaunders and the duchesse of Burgone (who haue alwayes borne hym and as yet do) had nat ben / he had ben distro¦yed long a go / for euersyth the lorde Clysson

tourned Frenche / he neuer loued him. Sure¦lye by an likely••, ••de he is ••••••yable of this dede / for he hath alwayes 〈◊〉〈◊〉 sir Pe∣ter of Craon agaynst the kyng and agaynst the Constable. Than other sayde. Lette the kyng alone / for as at this tyme he hath y^e ma¦ter so at his hert / that he wyll bring the duke to reason or he retourne. That is trewe {quod} o∣ther if there be no trayson. But we feare that all suche as go with the kyng be nat enemies to y^e duke / as it may be well 〈◊〉〈◊〉 (if we durst speke it) by some tokens. For there be some that nyght and daye do what they can to coū¦sayle the kynge to breke his voyage / whiche so troubleth the kyng that he can scant gette hym selfe any helthe or recouery of his laste sickenesse. Thus knightes and squiers deui¦sed among thē selfe as they rode in their coū∣treys. Styll the kyng aproched to the cytie of Mans / and there the kynge lodged in the castell and his lordes in y^e cytie / and his men of warre abrode in the countrey. There the kyng taried a thre wickes / for he was sore ve¦xed with the feuer: and his phisicions sayde to his brother and to his vncles. My lordes we ensure you ye do yuell to traueyle y^e kyng for he is in no good state to ryde / rest were farre better for hym / for sythe he came fro the cytie of Amyens / he hath nat ben in so good helthe / as he was before. They shewed this to the kynge but he had so great affection to go in this iourney / that he wolde nother be∣leue them nor yet his phisycions / but sayde. howe he founde more ease in trauelyng than in restyng. Therfore who so euer counsayle me the contrary shall nat please me / nor he lo¦ueth me nat. Other answere they coulde nat haue of the kyng. Euery day the kyng wolde sytte in the myddes of his counsayle / tyll it was noon / to thentent that none shulde laye any lette of his iourney. Thus the kyng be∣ing at Mans / and somwhat to acomplysshe the desyers of his vncles. He sent four nota∣ble knightes to the duke of Bretayne / as sir Raynolde du Roy / the lorde of Varensiers / the lorde of Castell morant / and sir Tāpyne of Cauten••l chateleyne of Gysors / and they were charged to shewe the duke / howe the kyng and his counsaile reputed that he dyde great offence / to susteyne the kynges enemy and the realmes / and to make amendes / that he shulde sēde sir Peter of Craon to Mans to the kyng / wherby meanes shulde be foūde that he shulde take no dōmage / nor his coun¦trey / for all the kynges voyage. Thus they de{per}ted fro Mans with a .xl. speres / & passed through the cyte of Angiers and at last came before the cytie of Nauntes / and entred / and there sounde the duke who made them good chere / and on a daye made them a dyner / and than they dyde their message and declared y^e kynges entent and his counsayls / whervnto the duke answered wisely and sagely / & said Howe it shulde be harde for hym to delyuer sir Peter of Craon / and sayd as god myght helpe hym in all his busynesse / he knewe nat where he was. Wherfore he desyred them in that case to holde hym excused / But he sayde he had well herde of hym a yere past / that he loued nat sir Olyuer of Clysson / but wolde make him mortall warre to his power / what soeuer ende came therof. And at that tyme I demaunded of hym if he had gyuen sir Oly∣uer knowledge therof / and he sayd he had vt¦terly defyed and wolde slee hym if he coude / outher by daye or by nyght / where soeuer he coude fynde hym. Of his dedes I knowe no further / wherfore I haue marueyle that the kynge wyll make warre agaynst me for his cause. for as to the couynauntes of maryage bytwene our chyldren by the grace of God / shall nat be broken on my parte / wherfore I haue done nothynge to hym nor to his coun∣saile / that he shulde make warre agaynst me This was the aunswere that the duke made to the Frenche kynges messangers / and so whan they hadde taryed a daye at Nauntes / than they toke their leaue and departed and retourned to Mans to y^e kyng / who thought longe tyll he herde their aunswere / and as ye haue herde before: they declared it to y^e kyng and his coūsayle. The dukes of Berrey & of Burgoyne were well cōtent with y^e answere and sayd it was reasonable / but the kyng by reason of suche enformacion as he had sayde the contrary: and sayd sithe he was so fore∣warde in his iourney / he wolde nat returne agayne in to Fraunce nor to Parys / tyll he had brought the duke of Bretayne to reason Gladly the two dukes of Berrey and Bur∣goyne wolde haue modered that voiage / but they might nat be herde / for the kyng had ta∣ken suche displeasure with the duke of Bre∣tayn / bicause he susteyned sir Peter of craon

that no excusacion coulde be taken. The same tyme a brute ranne in Fraunce / that the quene of Aragon my lady yolant of Bare / cosyn ger¦mayne to the frenche kynge / had in prison in the cytie of Barcylona / a knyght that no man knewe his name / men supposed it had ben syr Peter of Craon. this quene had writen right amyably to the kynge / sygnyfyenge hym that the fyfte day of the moneth of Iuly / a knyght in good estate and aray came to Barcylona / to haue past the sce / and had hyred for his mo∣ney a shyppe (as he sayd) to haue sayled in to Napoles / and bycause we kepe our passages that no straunger shall passe without he be knowen what he is / and this knyght wyll nat shewe his name / therfore we kepe hym in pri∣sone / & by the abasshment that we se in him / we thynke surely it be the same person ye wold so fayne haue. Therfore we write to you therof / that ye shulde sende some person hyther / suche as knoweth sir Peter of Craon / to se if it be he or nat / for what so euer he be he shall nat be de¦lyuered tyll we haue aunswere fro you / and I wolde that these tydynges might be agreable to you and to your counsayle / as knoweth the holy goost / who preserue you. Writen at Par¦pygnan the nynth day of Iuly / by yolante of Bare / quene of Aragon and of Maiolles / and lady Sardyne & Sardane. And on the super scrypcion / to the redouted kynge of Fraunce.

THese tydynges somewhat modered dyuers mennes hartes / so that they were nere at the poynte to haue bro∣ken their voyage / howe be it suche as were sir Olyuer of Clyssons frendes sayde / that those tydynges were but fayned tales / made and de¦uysed to breke the kynges voyage / sayenge that sir Peter of Craon was in none other pri¦sone{is} but with the duke of Bretayne / who hath susteyned hym and dothe. Of the quene of A∣ragons lettre the kynge made but lyght / say∣enge it was but trayson and fables. Than the duke of Burgoyne sayd. Syr yet at leste to a pease my nese the quene of Aragon / and for the delyueraunce of the knight that is there in prisone / who petaduenture is nothynge gylty of this trespas / sende vnto her that she may be contente with you and with vs. I am content therwith quod the kynge to please you / but I beleue surely the traytour syr Peter of Craon is in none other Barcylona nor prisone / but a¦boute the duke of Bretayne / and by my faythe that I owe to saint Denyce / he shall ones ma∣ke acompt therof. There coulde no man turne the kynge fro the opinyon / but that syr Peter of Craon was with the duke of Bretaygne. The duke of Bretayne who was well enfour∣med of all this busynesse / thought hymselfe nat well assured / for he sawe well the dukes of Berrey and Burgoyne coulde nat bring their purpose aboute / for syr Olyuer of Clyssons frendes led the kynge as they lyste. Than the duke prouyded for to kepe his townes and ga¦rysons / howe be it he durst kepe no towne ex¦cept Wannes / Campell / Doll / Camper / Ler∣myn / Corātyne / and Susement / and he wrote to suche knyghtes and squyers as he thought shulde ayde him / but they all dissymuled with hym / bycause they knewe that the french kyng was so sore displeased with hym / and also they thought it was nat a thynge couenable for the duke to susteyne syr Peter of Craon agaynst the constable of Fraūce / as he dyd. The duke in a maner repented hym that he had done so moche / howe be it his corage and herte was so hygh that he dysdayned to speke it / but sayde if the kynge came in to Bretayne / as it semed he wolde do / at the begynnynge he wolde let hym a lone / and thanne shall I se who be my frendes or foos / I wyll nat be to hasty to make him warre / and whan he weneth to be at most rest / than wyll I awake hym if I can nat be a greed with hym by loue. Thus the duke deuy¦sed somtyme with his counsayle / and thought surely he shulde haue warre / howe be it he had nat / for the maters tourned otherwyse to his great aduauntage. therfore it is an olde pro∣uerbe / he is nat poore y^t is happy. This duke was fortunate / by reason of apytuous incy∣dence that fell sodaynly on the frenche kynge / for otherwyse the duke was nat lykely to haue scaped all daūgers / and to haue lyued in peace as he dyd.

WHan the Frenche kynge had taryed the space of thre wekes in the cytie of Mans / and the knyghtes retourned that he had sent in to Bretayne. Than he sayd syth he had herde the dukes answere he wolde no lenger tary there / for he sayd the taryenge there greatly displeased him / and wolde passe forthe in to Bretaygne to se his enemys / that was the duke of Bretaygne / who susteyd the

traytour syr Peter of Craon. The entencyon of the kynge was / that if any knyghtes and squyers came agaynst hym / or that he founde any townes closed he wolde put downe y^e duke for euer / and set a gouernour in the countrey tyll the dukes chyldren were of lawfull age / and than rendre to them the berytage / and the duke neuer to haue any parte theof. This o∣pinyon the king helde styll and no man coude put hym therfro. and thus on a fayre daye a∣boute ten of the clocke the kynge departed fro the cytie of Mans / and had cōmaunded his marshalles the nyght before to cause all his at mye bothe before and behynde to dysloge and to drawe to Angers / and sayde that he wolde nat retourne tyll he had ben in Bretayne and dystroyed the traytours that had put hym to so moche payne and trouble. The marshalles dyd the kinges cōmaundement. The day that the king departed was marueylous hoote / for me sonne as than naturally was in his cheife force / and to the entent to declare the trouth of euery thyng. The same season that the kynge lay at Mans / he was sore traueyled with day¦ly syttynge in counsayle / and also he was nat perfytely hole nor had nat ben all that season / he was feble in his brayne and heed / and dyd eate or drinke but lytell / and nygh dayly was in a hoote feuer / so that he was gretly anoyed and payned / and also for the dyspleasure that he had for the constables hurte / he was full of malencoly and his spirytes sore troubled and traueyled / and that his physicions spyed well and so dyd his vncles / but they coulde nat re∣medy it / for no man durste counsayle hym to breke his voyage in to Bretaygne. And as it was enfourmed me / as he rode forwarde in the forest of Mans / a great sygnifycacyon fell to hym / by the whiche if he had doone well he shulde haue called his counsayle aboute hym and well aduysed hymselfe or he had gone any further. Sodaynly there came to the kynge a poore man bare heeded / bare legged / and bare footed / and on his body a poore whyte cote / he semed rather to be a foole than wyse / and boldely sodaynly he toke the brydell of the kyn¦ges horse in his handes and stopped the horse and sayd. Syr kyng tyde no further forward for thou arte betrayed. Those wordes entred into the kynges heed / wherby he was worse dysposed in his helthe than he was before / so that his herte & his blode was moued. Than the kinges seruauntes strake so the poore man that he lette the kynges horse go / and made no more of his wordes than of a fooles spekyng / whiche was foly as dyuers men sayde / for at the leste they shulde haue better examyned the man / and to haue sene if he had ben a naturall foole or no / and to haue knowen fro whence he came / but they dyde nat so / but lefte hym be∣hynde / & he was neuer sene after to any man∣nes knowledge / but suche as were nere to the Kynge herde hym speke these wordes. The kynge passed forthe / and aboute twelue of the clocke the kynge passed out of the forest / and came in to a great playne all sandy. the sonne also was in his heyght & shone bright / whose rayes were marueylously hote / wherby the horses were sore chafed / and all suche persons as were armed were sore oppressed with heat. The knyghtes rode togyther by companyes / some here and some there / and the kynge rode somwhat a parte bycause of the duste / and the duke of Berrey and the Duke of Burgoyne rode on his lefte hande talkynge togyther / an acre brede of lande of fro the kynge. Other lor¦des as the erle of Marche / sir Iaques of Bur¦bone / syr Charles de la Brethe / syr Phylyppe Darthoys / sir Henry and sir Phylip of Bare syr Peter of Nauer and other knyghtes rode by companyes. the duke of Burbon / the lorde Coucy / syr Charles Dangers / the baron Dy¦uiry & dyuers other rode on before the kynge / and nat in his company / and they deuised and talked togyther / and toke no hede of that fell sodaynly on the chefe personage of the compa¦ny / whiche was on the kynges owne persone / therfore the workes of god are marueylous / and his scourges are cruell and are to be dou∣ted of all creatures. There hath been sene in the olde testament and also in the newe / many fygures and examples therof. We rede howe Nabugodonosor kynge of Assyryens / who reygned a season in suche tryumphant glory / that there was none lyke hym / and sodaynly in his greatest force and glory / the souerayne kynge out lorde god kynge of Heuen and of erthe / fourmer and ordeyner of all thynges / a parelled this sayd kynge in suche wyse that he lost his wytte and reygne and was seuen yers in that estate / and lyued by acornes and mast that fell fro the Okes / and other wylde appels and frutes / and hadde tast but as a bore or a swyne. and after he had endured this penaūce

god restored hym agayne to his memory and wytte. And than he sayde to Danyell the pro∣phet / that there was none other god / but the god of Israell. Nowe the father / the sonne / and the holy goost / thre persones in one god / hath ben / is / and euer shall be as puissaunt to shewe his warkes as euer he was / wherfore no man shulde marueyle of any thyng that he dothe. Nowe to the purpose why I speke all these wordes. A great influence fro heuen fell the sayd daye vpon the frenche kynge / and as dyuers sayd / it was his owne faute / for acor∣dynge to the dysposicyon of his body / and the state that he was in / and the warnyng that his physicyons dyd gyue hym / he shulde nat haue rydden in suche a hoote day / at that houre / but rather in the mornynge and in the euenynge in the fresshe ayre / wherfore it was a shame to them that were nere aboute hym / to suffre or to coūsayle hym to do as he dyd. Thus as the frenche kynge rode vpon a fayre playne in the heate of the Sonne / whiche was as than of a marueylous heyght / and the kynge had on a ••ac••e couered with blacke veluet / whiche sore chafed hym / and on his heed a syngle bonet of scarlet / and a chapelet of great perles / whiche the quene had gyuen hym at his departure / and he had a page that rode behynde him / bea¦tynge on his heed a chapewe of Montaban / bright and clere shynynge agaynst the sonne / and behynde that page rode a nother bearing the kynges speare / paynted redde / and fryn∣ged with sylke / with a sharpe heed of stele / the lord de la Ryuer had brought a dosyn of them with hym fro Tholouse / and that was one of them he had gyuen the hole dosyn to the king / and the kynge had gyuen thre of theym to his brother the duke of Orlyaunce / and thre to the duke of Burbon. And as they rode thus forth the page that bare the speare / whether it were by neclygence or that he fell a slepe / he lette the speare fall on the other pages heed that rode before hym / and the heed of the speare made a great classhe on the bright chapewe of stele. The kynge (who rode but a fore them) with the noyse sodaynly started / and his herte trym¦bled / and in to his imagynacion ranne the in∣pressyon of the wordes of the man that stop∣ped his horse in the forest of Mans / and it ran in to his thought / that his enemyes ranne af∣ter hym to slee and distroy him / and with that abusyon he fell out of his wytte by feblenesse of his heed / & dasshed his spores to his horse / and drewe out he sworde / and tourned to his pages / hauynge no knowledge of any man / wenynge in hymselfe to be in a batayle inclo∣sed with his enemyes / and lyfte vp his sworde to stryke he cared nat where / and cryed and sayd. On on vpon these traytours. Whan the pages sawe the kynge so inflamed with Ire / they tooke good hede to themselfe / as it was tyme. They thought the kynge had ben dys∣pleased bycause the speare fell downe / thanne they stepte away fro the kynge. The duke of Orleaunce was nat as than̄e farre of fro the kynge. The kynge came to hym with his na∣ked sworde in his hande. The kynge was as than in suche a fransey / and his herte so feble / that he nother knewe brother nor vncle. Whan the duke of Orlyaunce sawe the kynge com∣mynge on hym with his sworde naked in his ha••de ••he was abasshed and wolde nat abyde hym / he wyste nat what he mente / he dasshed his spurres to his horse and rode awaye / and the kynge after hym. The duke of Burgoyne who rode a lytell waye of fro the kynge whan he herde the russhyng of the horses / and herde the pages crye / he regarded that waye / and sawe howe the kynge with his naked sworde chased his brother the duke of Orlyaunce / he was sore abasshed & sayd. Out harowe what myschife is this / the kynge is nat in his ryght mynde / god helpe hym. Flye away nephewe / flye away / for the kynge wolde slee you. The duke of Orlyance was nat well assured of him selfe / and fledde awaye as faste as his horse myght beare hym / and knyghtes and squyers folowed after / euery man began to drawe thy¦der. Such as were farre of thought they had chafed an hare or a wolfe / tyll at last they herd that the Kynge was nat well in his mynde. The duke of Orlyance saued himselfe. Than men of armes came all aboute the kynge / and suffred hym to wery hym selfe / and the more that he traueyled the febler he was / and whan he strake at any man / they wolde fall downe before the stroke. At this matter there was no hurte / but many ouerthrowen / for there was none that made any defence. Fynally / whan the kyng was well ••eryed / and his horse sore chafed with sw••te / and great heate / a knyght of Normandy one of the kynges chamber ••ay∣nes / whome the kynge loued very well / called Gyllyam Martell•• he came behynde the kyng

sodaynely and tooke hym in his armes / and helde hym styll. Than all other aproched / and toke the sworde out of his handes / and tooke hym downe fro his horse and dyd of his ••acke thre refresshe hym. Than came his brother and his 〈◊〉〈◊〉 vncles but he had clene lost the know∣ledge of them / and rolled his eyen in his heed marueylously / and spake to no man. The lor∣des of his blode were sore abasshed and wyste nat what to sayd or do. Than the dukes of Ber¦rey and of Burgoyne sayde / it behoueth vs to recourne to Mans / this voyage is doone for this tyme. They sayde nat as moche as they thought / but they shewed it ryght well after whan they came to Parys / to suche as they lo¦ued nat / as ye shall here after.

REasonably to consydre all thin∣ges acordynge to the trouthe / it was great pytie that the french kyng (who as at that tyme was reputed for the moste noble and puyssaunt kynge in all crysten∣dome / fell so sodaynly out of his mynde with out remedy / but as god wolde. than the kynge was layde in a horse lyttoure / and so brought backe agayne to the Cytie of Mans. Than the marshalles gaue knowledge to all the ar∣mye / that they shulde retourne / and howe that the voyage was broken as at that tyme. some had knowledge why / and some nat. The nyght that the kynge came to Mans / the physicy∣ons had moche a do with hym / and the lordes of the blode royall had great trouble. Euery man spake than in dyuer•• maners. some sayd that suche as hadde the rule aboute the kynge had poysoned hym / to brynge the Realme of Fraunce in to shame and trouble. These wor∣des multyplyed in suche wyse that the duke of Orlyance and his vncles and other lordes of the blode royall noted them / and spake togy∣ther and sayde. Howe saye you syrs / haue ye nat herde these wordes / and howe menne do murmure in dyuets places vpon theym that hath had the gouernaunce of the kynge. some saythe he shulde be poysoned / lette vs sertche howe this maye be knowen. Than some of them sayde howe it shulde be best knowen by the physycyons / they ought to knowe it / for they are acquaynted with his complexcyon. The physicyons were sent for and examyned. They answered howe the kyng of longe tyme had engendred the same malady / for we knewe well the wekenes of his brayne wold sore trou¦ble hym / and at laste shewe it selfe / we haue sayde as moche before this tyme. Than the duke of Burgoyne sayde. Syrs it is trewe / and therin ye dyd well acquyte your selfe / but he wolde neyther beleue you nor vs his affe∣ciyon was so sore sette vpon this voyage / it was deuysed in an yuell tyme. This voyage hathe dyshonoured vs all. It had been better that Clysson / and all those of his affynyte had ben deed many a daye agone / rather than the kynge to haue taken this malady. These ty∣dynges shall sprede abrode in many places / and seyng y^t he is but a yonge man / the blame shall be layde in vs that be his vncles / and of his blode / men wyll saye that we shulde other∣wyse haue counsayled hym. Thus we shall be laide in the faute without cause. but sirs quod the duke / yesterday whan he wente to dyner / were ye with hym? The physicyons aunswe∣red and sayd yes. Dyd he eate his meate well quod the duke? No certaynly quod they / he dyd eate and drinke but lytle / but sate and mu∣sed. And who gaue hym drinke last quod the duke? Syr quod they we canne nat tell you that / for as soone as the table was taken vp / we departed and made vs redy to ryde / but his chamberlayns or butlers canne tell that best. Than Robert de Tulles a squyer of Py¦cardy was sent for / and demaūded who gaue the kynge drinke laste. Syrs quod he / syr Ro¦bert of Lygnac. Than he was sent for. Than he was enquyred where he had the wyne that the kynge dranke last of in his chambre whan he wente to his horse. Syr quod he / here is Roberte of Tulles and I / we toke the saye in the presence of the kinge. That is trewe quod Roberte of Tulles / ye nede nat doute therin nor haue no suspeciousnesse / for as yet there is of the same wyne in the flagons / wherof we wyll drinke and assaye before you. Than the duke of Berrey sayd / this nede nat / for surely the kynge is nat poysoned / his malady proce∣deth of yuell counsayle / it is no tyme to speke of this mater nowe / let all alone tyll ano¦ther sea∣son. ∵

THus after this maner these lordes de∣parted eche fro other that nyght / and went to their lodgyage. Than the kynges vn¦cles had ordeyned four knyghtes of honour to wayte aboute the kynge / as syr Raynolde du Roy{is}syr Raynolde of Toye / the lorde Grau∣seers / & sir Gyllyam of Marte / and the kyn∣ges vncles sent cōmaundement to the lorde de¦la Ryuer and to syr Iohn̄ Mercyer / to Mon¦tagu / to the Begu of Vyllayns / to syr Gully∣am of Bordes / and to syr Helyon of Lygnac / that they shulde in no wyse come aboute the kynge / tyll he were in better estate. The nexte daye the kynges vncles came to se the kynge / and founde hym ryght feble. Than they de∣maunded what rest he had taken that nyght. They were answered / but small rest. That is poore newes quod the duke of Burgoyn. And than to them came the duke of Orlyance / and so went all togyder to the kynge / and demaun¦ded of hym howe he dyd. He gaue none aun∣swere / and loked straungely on them / and had loste clene the knowledge of them. These lor∣des were sore abasshed / and comuned togyder and sayde. We haue no more here to do / the kyng is in an herde case / we do him more trou¦ble than ayde or good. Lette vs recōmaunde hym to his chaumberlayns and physicyons / they canne best take hede to hym / lette vs go study howe the realme maye be gouerned / or els thinges wyll go amysse. Than the duke of Burgoyne sayd to the duke of Berrey. Fayre brother it is best we drawe to Parys / and or∣dayne to haue the kynge easely brought thy∣der / for better we shall take hede on hym there than here in these partyes / & whan we be there let vs assēble all the counsayle of Fraunce / and ordeyne who shall haue the gouernaūce of the realme / the duke of Orlayunce or we. That is well sayde quod the duke of Berrey / it were good we studyed where were best to haue the kynge to lye that he myght the soner recouer his helth. Than it was deuysed that he shulde be brought to the castell of Crayell / where is good ayre / and a fayre countrey on the ryuer of Oyse. whan this was ordeyned than all the men of warre had leaue to departe / and were cōmaunded by the marshalles euery man to retourne peasably in to his owne countrey / without doynge of any vyolence or domage to the countreys as they shulde passe through / and if any dyd / their lordes and capytayns to make a mendes. And the kynges two vncles and the chauncellour of Fraunce sente anone soundry messangers to the good Cyties and townes of Fraunce / that they shuld take good hede to kepe well their townes / consyderynge that the kynge was nat well dysposed in his helthe. Their cōmaundementes were fulfyl∣led. The people of the realme of Fraunce were fore abasshed whan they knew howe the king was fallen sycke and in a fransey / and menne spake largely agaynste them that counsayled the kynge to go in to Bretaygne. And some o∣ther sayde / howe the kynge was betrayed by them that bare the duke of Bretaygne and syr Peter Craon agaynst the kyng. Men coulde nat be lette / but that they wolde speke / the ma∣ter was so hygh that wordes ranne therof dy∣uersely. Thus fynally the kyng was brought to Crayell / and there lefte in the kepynge of his physicyons / and of the sayde four knygh∣tes. Than euery man departed. And it was commaunded to hyde and to kepe secrete the kynges malady fro the knowledge of the quene for a seasone / for as than she was great with chylde. and all of her courte were cōmaunded to kepe it secrete on payne of great punysshe∣ment. Thus the kynge was at Crayell / in the marches of Seulis and of Compyen / on the ryuer of Oyse / and kept by the sayd knyghtes and physycions / who gaue hym medicyns / but for all that he recouered but lytell helth. ∴ ∴