¶How the treatie of peace renewed at Towers in Thourayn / bytwene the Frenche kynge and the duke of Bretayne and of the mariage of the doughter of Fraunce to the lonne of Bretayne / and of Iohn̄ of Bretayne erle of Pointhieur and the doughter of the duke of Bretaygne. Cap. C.lxxxi. (Book 181)
YE haue herde here before in dyuers places in this hystory / howe the duke of Bretayne and syr Olyuer of Clysson / as than constable of Fraunce / hated mor∣tally eche other / and besyde the hatred that the duke had to syr Olyuer / he had gret enuy that he was so great with the kinge / and so secrete of his counsayle / and gladly he wolde haue troubled hym / but he doughted ye kynges dis∣pleasure / and often tymes the duke repented hym that he had nat slayne hym whan he had hym in prisone in the castell of Ermyn / for he thought if he had slayne hym / than he shulde neuer haue had more trouble by hym. The y∣uell wyll that he had to hym caused hym to be harde mynded to be obedyente to the crowne of Fraunce / howe be it he knewe well he dyd yuell / therfore he suffred all thynge to passe at aduenture / and helde in his loue the englysshe men / and prouyded suffycyently his townes and fortresses with artyllery & vytayles / and sent priuely in to Englande for men of armes and archers / & dyd set them in his garysons / and made to be beleued that he loked to haue warre but his men kn••we nat with whome / howe be it all that euer he dyd was knowen in Fraūce / and many spake largely against him. He knewe well that certrayne lordes of Fraunce were nat contente with hym / but he dyd set ly∣tell therby / but so passed on his tyme. He had great affyaunce in his cosyne the duchesse of Burgoyne / as it was reason / for he had of her a specyall supporte and ayde / for the lady by∣cause of lygnage loued hym / and bycause that the erle of Flaunders her father / who was co∣syn germayne to the duke had alwayes loued and comforted hym in all his trybulacyons. This lady of Burgoyne was a good lady / so that the duke her husbande wolde nat gladly displease her / and good cause why / for ye duke by her helde great herytages / and had by her fayre chyldren. all the realme of Fraunce was bounde to loue her / and she had nat ben / great dyscensions had moued bytwene the parties / for natwithstandynge that the duke of Bre∣tayne had ben at Paris with the french kyng / and made to hym homage / yet I can nat well say if it was with good herte or no / for as sone as the duke was retourned in to Bretaygne / there apered in hym but small amendemente / he had sworne obeysaunce and to be obedyent to the pope at Auignon / but he was nat / for ra¦ther he dispysed hym in his wordes. Nor also he wolde suffre no man to be promoted in his countrey by that popes bulles / but helde hym selfe newter in dyuers thynges / & wolde gyue the benefyces hym selfe. No clerke coulde at∣teygne to any promocyon of any benefyce in his countrey / without he had ben well pleased therwith. Also any cōmaūdements that came out of the parlyament chambre of Parys / he sette nothynge therby. The prelates and bys∣shoppes of Bretayne lost great parte of their iurisdictions by this duke / so that great com∣playntes therof was made in the parlyament of Parys / but they hadde small remedy. And whan he was sent for to come to Parys{is} or els to sende thyder some able personages to make aunswere to suche matters as shulde be aled∣ged agaynste hym / and whan any of the kyn∣ges offycers came in to Bretaygne to somon hym to apere / thanne he wolde nat be spoken withall / but euer made sondry seues. And whan the kinges officers dyd departe againe thens / than he wolde say. I wyll go to Parys to se what ryght I shall haue there. It is nat