Here begynneth the first volum of sir Iohan Froyssart of the cronycles of Englande, Fraunce, Spayne, Portyngale, Scotlande, Bretayne, Flau[n]ders: and other places adioynynge. Tra[n]slated out of frenche into our maternall englysshe tonge, by Iohan Bourchier knight lorde Berners: at the co[m]maundement of oure moost highe redouted souerayne lorde kyng Henry the. viii. kyng of Englande and of Fraunce, [and] highe defender of the christen faythe. [et]c.

¶Howe the kyng of Spaygne was maryed agayne / to the kyng of Portyngales dough∣ter. Cap. CCC. xCv. (Book 395)

IN the kyng of Castyls hoost / there was a younge knight of Fraūce / called sir Trystram de Roy. Who de¦syred greatly to auaūce his honoure / whan he lawe the peace was made bitwene y^• two kyng{is} / and that ther shulde be no batayle. Than he determyned nat to go out of Spayn / tyll he had done some dede of armes. Than he sende on haralde in to thenglysshe hoost / requy¦ryng all knightes and squyers / syth the bataile fayled bytwene the two kynges. That some knight or squier wolde answere hym / thre cour¦ses with a speare / before the cite of Uale delore. Whan these tidynges came in to the englysshe hoost. The knightes and squyers spake toguy¦der / and sayd. howe his offre ought nat to be re¦fused. Than a yonge squyer of Englande / cal∣led Myles Wyndsore: who wold for his hono^• be made knight in that vyage. Sayd vnto the haralde. Frende / retourne to your maister / and say to sir Trystram de Roy. that Myles Wyn¦sore sendeth hym worde / that to morowe nexte / before the cyte of Uale de Lore / he shall ther de∣lyuer him of his desyre. The haralde returned and recorded those tidynges to his maysters. and sir Tristram was right ioyouse. The next mornynge / Myles Wyndsore departed out of the felde / and rode to warde the cyte of Uale de Lore / whiche was nat farr of. He had no more but the mountayne to passe / and he was well a companyed. Ther was with hym sir Mathue Courney / sir Wyllyam Beauchampe / sir Tho¦mas Symon / the Souldyche of Lestrate / the lorde of Newcastell / the lorde de la Barde / and dyuers other. There was well a hūdred knigh¦tes and squiers at y^• place / wher as the batayle shulde be bytwene them. And also than / thyder came sir Trystram de Roy / well acompanyed with frenche men and bretons. There Myles Wyndsore was made knight / by the handes of the Souldyche of Lestrade. As of hym y^• was reputed the best knyght in that cōpany. Thus these two knight{is} were armed at all peces / and well horsed with their speares redy in their hā∣des. And so they ranne eche at other and brake their speares / eche vpon other rudely / without any other hurt. and than they ran their seconde course. And at y^• thirde course / they strake eche other so rudely / in the myddes of their sheldes / that the speare heedes entred throughe the pla∣tes of their harnes / to the bare flesshe / but they had no hurt. and their speares brake / & the tron

••hyons flewe ouer their heedes in to the ayre. This course was praysed of all them that sawe it. And than they toke leaue eche of other right honorablye / and retourned euery manne to his owne partie. And after there was no more war vsed for ther was peace bytwene bothe realms And so eycher partie departed and went home.

THus this army brake vp. In the same tyme / tidynges came in to the kynge of Spaynes hoost. Howe the kynge of Granade made great warre agaynst the kynge of Bar∣bary and the kyng of Trayne samayns. Wher¦fore all suche knight{is} as wolde go thider / shuld be receyued in to wages. And that the kynge of Granade wolde sende sure saue conduct for thē / and that assone as they become in to Granade / they shulde haue prest wages for a quarter of a yere before hande. Wherby certayne knyghtes of Fraunce / as sir Trystram de Roy / sir Gef∣fray Carney / sir Peter Cleremōt / and dyuers other toke leaue of the kyng of Castyle / & went thyder to seke aduentures. And in lykewise / so dyde some of the englysshe men / but nat many. For therle of Cambridge brought them home agayne into Englande: and his son also. wher by it shewed well / that he was nat content with the kynge of Portyngale: to take a way his son from hym / for all that he had maryed the kyn∣ges doughter. He sayde / howe that his sonne coulde nat endure the ayre of the countrey. For all that euer the kynge coulde say or do / the erle wolde nat leaue him behynde him. But sayd to the kyng / that his sonne was to yong to abyde in Portingale. wherfore it fell after / as ye shall here. ¶ About a yere after that this peace was thus made / bytwene Spayn and Portyngale and that the erle of Cambridge was retourned in to Englande. The quene of Castyle dyed / who was doughter to the kyng of Aragon. and so than the kyng of Spayne was a wydower. Than it was debated by the prelates and lord{is} of bothe countreis / Spayne and Portyngale / that the lady Beatryce of Portigale / coude nat be more higher maryed thanne to the kynge of Spayne. And to bring these two realmes in a full accorde and peace / the kyng of Portyngale agreed to y^e maryage. and deuorsed his dough¦ter fro the erle of Cambridge sonne / by the po∣pes dispensacion: who cōfyrmed this newe ma¦ryage. Thus the kyng of Portyngales dough¦ter was made quene of Spaygne / of Castyle / and of Galyce. And the first yere of the kyng of Spaynes maryage / he had by his wife a fayre sonne / wherof they gad great ioye. Than after dyed Ferrande kyng of Portyngale. howbeit for all that / they of Portingale wolde nat suffre the realme to come to the kynge of Spayne / as in the right of his wyfe. But they made kyng / a bastarde brother of the Kynges dysceassed / who was called before maister Denys / bastard of Portyngale. This Denys was a ryght va∣lyant man in armes / and alwayes before / bare the armes of Portigale. So thus he was crou¦ned kynge / wherby after grewe moche warre / bytwene Spayne and Portyngale. as ye shall here after in this boke.

WHau therle of Cambridge and his cō∣pany / were retourned in to the realme of Englande. The kyng and the duke of Lancastre made them great chere / as it was reason: and demaūded of them tidynges. And there they shewed all the manere of the warre. The duke of Lancastre / to whome the matere moost touched / bycause of the chalenge that he made to the realme of Castyle. For he named hym selfe (as heyre therof) by the right and ty∣tell of his wyfe: the lady Custaunce / somtyme doughter to Dompeter / kyng of Castell. Ther¦fore he demaūded of his brother the erle of Cā∣bridge / howe they had demeaned them selfe in Portyngale. Therle shewed hym / howe y^e two kynges had layen in hoost / more than fyftene dayes: the one before the other. And fayre bro∣ther / bycause the kynge of Portyngale coulde here no worde fro you / he lightly accorded to y^e peace. And we coulde neuer se / y^e euer he wolde cōdiscende to batayle. Wherof we that were on his partie were sore dyspleased / for we wolde gladly haue put it at aduēture. And sir / bycause I canne se no sure a state nor trust in them / ther¦fore I haue brought agayne with me my sonne for all that he hath maryed the kyng{is} doughter. Sir 〈◊〉〈◊〉 the duke / I thynke ye had good cause: sauyng for feare of breakyng of that maryage. For paraduenture if the kynge may fynde / any aduaūtage in another place / he wyll than gyue his doughter at his pleasure. By my faythe sir quod therle / happe what wyll. I thinke I haue done nothyng / wherof I shulde repent me. and so than they entred in to other communycation of other maters.

¶ Nowe lette vs leaue to speke of them and of the warres of Spayne and Portyngale. And retourne to the warres of Gaunte / and of the Erle and countrey of Flaunders / whiche were right feirse and cruell.