¶ Howe sir Gaultier of Manny rode through all Fraunce by saue con∣duct to Calys. Cap. C .xxxv. (Book 135)
IT was natlong after but that sir Gaultier of Mā¦ny fell in cōmunycation with a knyght of Normandy who was his prisoner / & demaū∣ded of hym what money he wolde pay for his raunsome / the knyght answered and sayd he wolde gladly pay thre. M. crownes / well {quod} the lorde Gaul∣tyer: I knowe well ye be kynne to the duke of Normandy and welbeloued with hym that I am sure. And if I wolde sore oppresse you I am sure ye wolde gladly pay .x. thousand crownes / but I shall deale otherwyse with you / I woll trust you on your faythe and promyse. ye shall go to the duke your lorde / and by your meanes gette a saue conduct for me and .xx. other of my cōpany to ryde through Fraunce to Calys / pay¦eng curtesly for all your expenses. And if ye can get this of the duke or of the kyng / I shall clere∣ly quyte you your ransome with moche thanke: for I greatly desyre to se the kynge my maister / nor I wyll lye but one nyght in a place tyll I cōe there. And if ye can nat do this / retourne agayn hyder within a moneth / and yelde your self styll as my prisoner: the knyght was content and so went to Parys to the duke his lorde / and he ob∣tayned this pasport for sir Gaultier of Manny and. ••r. horse with hym all onely this knyght re¦turned to Aguyllon and brought it to 〈◊〉〈◊〉 Gaul∣tier / and ther he quyted the knyght Norman of his raunsome. Than anone after sir Gaultier toke his way and .xx. horse with hym: & so rode through Auuergne / and whan he taryed in any place he shewed his letter and so was lette passe but whan he came to Orleaunce for all his letter he was a rested and brought to Parys / & there put in prison in the Chatelet. Whan the duke of Normandy knewe therof / he went to the kynge his father and shewed him howe sir Gaultier of Manny had his saue conduct / wherfore he re∣quyred the kynge asmoche as he might to dely∣uer hym / or els it shulde be sayd howe he had be trayed hym: the kyng answered and sayd howe he shulde be put to dethe / for he reputed hym for his great ennemy. Than sayd the duke: sir if ye do so surely I shall neuer bere armour agaynst the kynge of Englande / nor all suche as I may let: and at his departyng he sayd that he wolde neuer entre agayn into the kynges host. Thus the mater stode a certayne tyme: there was a knyght of Heynalt called sir Mansart de Sue / he purchased all that he myght to helpe sir Wa∣ter of Manny / and went often in and out to the duke of Normādy / finally the kyng was so coū¦selled that he was delyuerd out of prison and all his costes payed. And the kynge sende for hym to his lodgyng of Nesle in Parys and there he dyned with the kynge / and the kynge presented hym great gyftes and iewels / to the value of a thousande floreyns: sir Gaultier of Manny re∣ceyued them on a condycion / that whan he cam to Cales that if the kyng of Englande his mai∣ster were pleased that he shulde take them / than he was content to kepe them / or els to sende thē agayne to the frenche kyng / who sayd he spake lyke a noble man. Than̄e he toke his leaue and departed and rode so long by his iourneys that he came into Heynalt / and taryed at Ualencen¦nes thre dayes: and so fro thens he went to Ca∣les and was welcome to the kynge / but whan ye kyng harde that sir Gaultier of Manny had re¦ceyued gyftes of the frenche kynge: he sayde to hym sir Gaultier / ye haue hytherto truely ser∣ued vs and shall do as we trust. Sende agayn to kyng Philyppe the gyftes that he gaue you / ye haue no cause to kepe theym / we thanke god we haue ynough for vs & for you: we be in good purpose to do moche good for you acordyng to the good seruyce that ye haue done. Thanne sir Gaultier toke all those iewels and delyuerd thē to a cosyn of his called Mansac / and sayd ryde into Fraunce to the kynge there / and recōmend me vnto hym / and say howe I thanke hym. M. tymes for the gyft that he gaue me / but shewe hym howe it is nat the pleasure of the kyng my maister that I shulde kepe thē / therfore I sende them agayne to hym. This knyght rode to Pa¦rys and shewed all this to the kyng who wolde nat receyue agayne the iewelles / but dyde gyue