Here begynneth the first volum of sir Iohan Froyssart of the cronycles of Englande, Fraunce, Spayne, Portyngale, Scotlande, Bretayne, Flau[n]ders: and other places adioynynge. Tra[n]slated out of frenche into our maternall englysshe tonge, by Iohan Bourchier knight lorde Berners: at the co[m]maundement of oure moost highe redouted souerayne lorde kyng Henry the. viii. kyng of Englande and of Fraunce, [and] highe defender of the christen faythe. [et]c.

¶ Howe sir Godfray Harecourt was banysshed out of Fraunce. Cap. C .xiiii. (Book 114)

IN this season sir God∣fray of Harecourt fell in the indygnation of the frenche kynge / who was a great ba∣ron in Normandy and bro∣ther to therle of Harecourt / lorde of saynt Sauyour the vycount / and dyuers other townes in Normā∣dy. And it was sayde all was but for enuy: for a lytell before he was as great with the kyng and with the duke of Normādy as he wolde desyre but he was as than openly banysshed the realm of Fraunce / and yf the kynge coulde haue gette hym in his yre / he wolde haue serued hym as he dyd sir Olyuer of Clyssone / who was beheeded the yere before at Parys. This {ser} Godfray had some frendes who gaue hym warnyng secretly howe the kyng was dyspleased with hym: than he auoyded the realme assone as he myght and went into Brabant to the duke there who was his cosyn / who receyued him ioyfully. And ther he taryed alonge space and lyued of suche reue∣newes

as he had in Brabant for ••ut of Fraunce he coude gette nothynge. The kyng had seaced all his landes there of Constantyne / and tooke the profet therof hymselfe: the duke of Brabant coude in no wyse gette agayne this knyght into the kynges fauoure / for nothynge that he coude do. This dyspleasure cost greatly the realme of Fraunce after: and specially the contrey of Nor¦mandy / for the tokens therof remayned a hyn∣dred yere after / as ye shall here in this hystorie.