The life of the Most Reverend Father in God, James Usher, late Lord Arch-Bishop of Armagh, primate and metropolitan of all Ireland with a Collection of three hundred letters between the said Lord Primate and most of the eminentest persons for piety and learning in his time ... / collected and published from original copies under their own hands, by Richard Parr ...

LETTER CCXXXIX. A Letter from the most Reverend James Usher Arch-bishop of Armagh, to the Learned John Gerard Vossius. (Book 239)

Viro Clarissimo mihi{que} amicissimo Johanni Gerardo Vossio.

Amstelodamum.

VIvo adhuc, Mi Vossi! Si vivere dicendus est qui ad calamitosissima & flagitiosissima reservatus tempora, ea quotidie spectare cogitur, quo∣rum animus meminisse horret, luctu{que} refugit. Inter quas continuas aerum∣nas & illo animi angore me subinde confici dissimulare non possum; quod ità ego te neglexerim, ut pro eximio illo artis tuae Poëticae thesauro nulla à me relata, ac ne habita quidèm aut acta fuerit gratia. Ante annum, & quod excurrit Appendicem meam Ignatianam ac de Macedonum ac Asianorum anno solari dissertationem mittere ad te memini; sed quid tantilla illa ad justos hosce poëticae tuae, tanta diligentia & industriâ elucubratos, commentarios Majoris fortasse operis, & pretii, usus certè aliquandò uberioris, futuri sunt Annales nostri sacri: Cum Asiatico, & Aegyptiaco, & Olympiadum exor∣dio us{que} ad Vespasiani imperium, ex scriptoribus exteris, deducto chronico. Quamprimum opus absolutum fuerit (quod ante finem proximae aestatis fu∣turum

spero) consendum ad te sum missurus: Si lucis hujus usuram saevitia temporum tantisper mihi permiserit. Intereò literarum harum latorem D. Johannem Priceum, insignis eruditionis, & probitatis virum (quem ex scriptis notum tibi esse non dubito) & sui praecipuè, & mei etiàm (cui a∣micissimus est) causâ, finu complexu{que} tuo recipe; & me, licet id parum commerentem, amare non cessa.

Tui Cupidissimus Ja. Usserius Armachanus.

Londini, xvii Kalend. April. anno 1648/9.