Page 917
REX Collectoribus pecuniae Crucis & Decimae in Provincia Eboram, salutem.* 1.1 Cum de Consilio nostro jam sit provisum, quod tota pecunia Crucis & Decimae praedictae, & ex quacunque alia causa tàm ex beneficiis vacaturis, quàm ex aliis gra∣tiis, nobis â sede Apostolica concessis proveniens, usque ad summam viginti millium Marcarum assignetur Magnetto Spinae & sociis suis, Dentegto Guilli & sociis suis, & Hugoni Maze & sociis suis, Civibus & Mercatoribus Florent. ad liberand. in Curia Romana dilectis & fidelibus nostris Simoni de Monte forti, Petro de Sabaudia, & Jo∣hanni Mansell Thesaur. Eborum, quos in Nuncium nostrum pro negotio Regni Siciliae ad praedictam Curiam, in brevi missuri sumus, vel illis quos ad Curiam Romanam pro eodem negotio venire contigerit: Vobis mandamus, quod totam pecuniam prae∣dictam quam penes vos habetis, & quam inde recepturi estis, habere faciatis praedictis Mercatoribus ad liberandum praefatis Nunciis nostris, vel illis quos ad praedictam Cu∣riam venire contigerit, pro expeditione negotii memorati, donec à nobis aliud inde receperitis in mandatis, nos enim solutionem quam praedictis Mercatoribus feceritis de pecunia praedicta ratam habebimus & acceptam. In cujus rei testimonium, &c.
Teste Rege apud Windes. 24. die Junii.
Per Regem & Consilium suum.