COme nostre Seignor Hen. par la grace Deu Rois de Engleterre, lan de son co∣ronement* 1.1 cinquantissime, as octaves de lassumpton nostre dame, â la request, le honorable pere sire Ottobon Legat. de Engleterre, son Parlement eust semens a Kenelleworth, accorde & graunt fit per cōmun assent, & par commun conseil des Eves∣ques, Abbes, Priors, Contes, Barons, & tuz autres ke sis persones suz escites, ceoest à savoir, le Evesque de Excestre, levesque de B. le Eslit de Wirecestr. sires Alyne la Zusche, sire Rog. de Summery, & sire Robert Walerand, par lur serement qe illokes fi∣rent, eslisent autres sis qui meeins seient en sospescon, & meuz sachent & voillent solonc lor entendement, des queus li vii sera Prelaz. & les cync seront Chevalers, & ices doze Iurront sor seinz Ewangilles, ke dreiturelment leaument & entertine∣ment, purveront ceo qe il entenderont qe mesters està la pes de la terre reformer, & affermer, nomeement de ceo kapent alfet & al estatdes desheritez pur acheson de la gwerre qe à este nagaires en Engleterre Sauve lestat le Roy & sa dignite. Et si par aventure les dosze ne se puissent accorder en aukune chose, ka ceste bosoigne appen∣de & li avauntdit Legat & sire Henr. Dalimaigne seient apelez as avant diz doze. Et ceo qe la partie aura porveu a ki le avauntdit Legat & sire Henr. Dalemaigne ensem∣blement assentiront seit ferm & estable. Et si par aventure avenist ke tuz les dosze sejent en accord rien tiendirot, ne rien ne••eront ejnz ceo kil ejent mostre al Roy & al Legat, & mesire Henr. Dalemaigne, a la quel chose le Reis appelera ceaus quil voudra, & ceo à quei li Reis, & li Legat, & li Legat & sire Henr. sacorderont ou adresceront seit ferm & estable. Et si les sis sont en descorde des••ire les autres sis, cele partie teigne a ki le Legat & sire Henr. se tendront. Et si par aventure nul des dosze morust avaunt ke ceste chose feut terminee, ceaus qui demmorront en vie eient poeir des••ire autres en lieu des morz; issi ne porquant kil i eit quatre Praelaz & oyt Cheve∣lars, Efet a saveir ke ices dosze unt poeir de porveer & dorden jesqua la feste de tuz seinz prochein avenir. Et si ceaus qui serrount appellez a la pes le Roy per cest ordeinment ne viegnent a les pes dedenz quaraunte jors puis kil sera poplee, par∣tuz les contez per le Roy ou per le Legat, de cele hore en avanut ne soit receu a le pes per cest ordeinment. En testmoignage & en establete de ceste chose les avauntdiz, seignors li Reis & le Legat & sire Edward fiz le Rey, & le Conte de Gloucestr. à ceste Lettr. unt mis ler seaues Donee a Kenilleworth, le 31. Jor. de Aust. Lau del Incarnacion nostre Seignour Mil deus Cenz & seissaunte sisme. To this award * 1.2 Rex primo, postmodum Clerus & populus juraverunt, quod dictum ipsorum inviola∣biliter observarent, Dictum Kenelworthe.
The King likewise appointed special Proctors in the Court of Rome concerning this affaire; giving Protections and safe conduct to all Bishops, Clerks, and others who should repair to the Legate to make their peace or submit to his Justice and determi∣nation; thus recorded in the Patent Rolls.