The first-[third] tome of an exact chronological vindication and historical demonstration of our British, Roman, Saxon, Danish, Norman, English kings supreme ecclesiastical jurisdiction from the original planting, embracing of Christian religion therein, and reign of Lucius, our first Christian king, till the death of King Richard the First, Anno Domini 1199 ... / by William Prynne, Esq.

REX Episcopo Hereford salutem. Pastores gregibus praeponuntur ut diei* 1.1 noctisque vigilias exercendo super eos qui pecoris vultum agnos∣cant, et oves famelicas in fertilitatis pascua introducant, errantes vero per verbum salutis et virgam correctionis in unius ovilis con∣servatione studeant indissolubilem unitatem. Sed sunt nonnulli qui hanc doctrinam damnabiliter contempnentes, ac sua ab aliis pecora distinguere nescientes, lac et lanam tollunt, qualiter Dominicus grex alatur non curantes; Temporalia rapiunt, et quis in Paro∣chia fame pereat, aut periclitetur in moribus non attendunt, qui non Pastores sed Mercenarii potius dici promerentur. Hoc siquidem dum hiis diebus ad disponendum de Regni nostri praesidiis in par∣tes Marchiae nos transferremus in Ecclesia vestra Hereford. dolen∣ter referimus, nos invenisse, quam adeo invenimus Pastoris solatio destitutam, ut nedum Episcopum, sed nec Officialem haberet, Vica∣rium, aut Decanum, qui quicquam spritualitatis exercere posset in eadem, sed Ecclesia ipsa quae olim deliciis affluere consuevit, etiam Canonicis qui ibidem nocturnis et diurnis Officiis vacare, et opera caritatis exercere deberent, eam deserentihus, et longe de∣gentibus in remotis, stola jocunditatis exuta, cecidit in terram, vidu∣itatis suae detrimenta deplorans, nec est qui consoletur eam ex

omnibus charis ejus. Sane dum haec vidimus et consideravimus diligenter, pietatis aculeus viscera nostra commovit, et compassio∣nis gladius intima cordis nostri acrius vulneravit, ut tantam Eccle∣siae matris nostrae injuriam ulterius dissimulare non possimus, nec pertransire incorrectam. Quapropter vobis mandamus firmiter injun∣gentes, quatenus ad Ecclesiam vestram praedictam occasionibus qui∣buscun{que} postpositis, cum ea qua poteritis celeritate vos transferre curetis, commissum vobis in eadem curae pastoralis officium persona∣liter executuri; nos enim de salvo et securo conductu tam inveniendo quam morando, si opus fuerit vobis, dum tamen super hiis quae con∣tra vos rationabiliter objici poterunt, juri parere volueritis, provide∣ri faciemus. Quod si aliqua justa causa quam ignoramus subfuerit, quo minus hoc personaliter facere possitis, ipsam nobis rescribentes, alicui discreto de regno nostro vices vestras in omnibus quae ad juris∣dictionem Episcopalem pertinent committatis, ut vestra saltem ad tempus absentia tolerabilior habeatur. Alioquin scire vos volumus pro constanti, quod si neutrum istorum facere curaveritis, bona tem∣poralia et omnia quae ad Baroniam ipsius Ecclesiae pertinent, quae pro spiritualibus in eadem exercendis pia Progenitorum nostrorum devotione constat eidem fuisse collata, et quae hactenus colligi, et sal∣vo custodiri praecipimus, in commodum et utilitatem ipsius Ecclesiae convertenda, cessante jam causa in manu nostra totaliter capiemus;* 1.2 nec ulterius sustinebimus quod temporalia metat, qui spiritualia, ad quae ex officii sui debito tenetur, irreverenter subtrahere non formi∣dat, aut quod emolumenta percipiat, qui incumbentia eisdem onera subire recusat. Teste Regi apud Hereford, primo die Junii.

Notes

• * 1.1

  Pat. 49 H 3. m. 14. intus. numero. 57. See Crooks 2. Instit. p. 625, 626. mistaken in the year.
• * 1.2

  Nota.