SAnctissimo in Christo Patri Domino A. Dei gratiâ summo Pontifici, H. eadem* 1.1 gratia, &c. salutem, cum reverentia & honore. Cum nuper vacante Eccle∣sia de Burdegal. in Vasconia, convenientibus ejusdem Ecclesiae Canonicis ad tractan∣dum de futuri Pontificis Electione, major & sanior pars ejusdem Capituli Magistrum Fortone Archidiac. Xancton Clericum nostrum, de terra nostra Vasconiae oriundum, sibi duxerit in Pastorem eligendum, Nos ejusdem Magistri promotionem eo affectuo∣sius amplexantes, quod sub alis nostris educatus, nostris diutius intendebat obse∣quiis, & quod tranquillitatem terrae nostrae Vasconiae, & relevationem Ecclesiae supradictae, variis turbationibus & augustiis retroactis temporibus per insolen∣tiam non mediocriter oppressae, ex ipsius Creatione credimus provenire: Sancti∣tatem vestram affectuosè rogamus, quatenus causis supradictis ac personae meri∣tis quam moribus, scientia, circumspectione provida & conversatione laudabili novimus insignitum, ponderatis ac favorabiliter intellectis, ipsum ad sedem Aposto∣licam accedentem specialiter habere velitis recommendatum, gratiam quam circa Electionem de eo factam secundum Deum et justitiam pote∣ritis nostrae petitionis obtentu, favore benevolo eidem impenden∣tes, ut pro eo quem meritis suis exigentibus apud vos favore benevolo prosequi∣mur, vobis assurgere debeamus ad uberrimas gratiarum actiones.
Teste Rege apud Westm. 30 die Maii.
Per H. le Bigod. Justic▪