The first-[third] tome of an exact chronological vindication and historical demonstration of our British, Roman, Saxon, Danish, Norman, English kings supreme ecclesiastical jurisdiction from the original planting, embracing of Christian religion therein, and reign of Lucius, our first Christian king, till the death of King Richard the First, Anno Domini 1199 ... / by William Prynne, Esq.

SAnctissimo in Christo Patri, &c. Nuper per religiosum virum fratrem Johannem* 1.1 de Dya, Poenitentiarium & Capellanum vestrum, Sanctitati vestrae scripsimus, nos tractare super Capitaneo transmittendo, cum pecunia & militiae competenti. Caete∣rum clementiae vestrae adhuc significare studemus, quod super praemissis vigilantiam & solicitudinem adhibemus. Caeterum Proceres & Majores Consilii nostri, super casu qui post gratiam nobis factam de Regno Siciliae contigit per prodititionem Marchionis de Herebroke, mirabiliter stupefacti, vix negotium audent assumere in hoc statu, praesertim cum inter caeteras Conditiones in privilegio vestro contentas illa contineatur expresse: Quod non eamus vel mitta∣mus donec vobis et Ecclesiae Romanae de 135 millibus 500 et 40 Mar∣carum plene suerit satisfactum. Unde cum occasione negotii supradicti Merca∣tribus Senen. & Florentin. in nonnullis pecuniarum summis quas Venerabile Pater Sanctae Mariae in vialata Diac. Card. Apostolicae sedis Legatus, de manu Hereford. Episcopi, Procur. & Nuncii nostri recepit, simus sub poenis gravissimis obli∣gati, quas incessanter solvi facimus juxta vestri tenorem mandati, super ordinatione Capitanei destinandi nondum potuimus complere tractatum, cujus consummatio non modicum desiderat pecuniae in∣terventum. Non enim credimus, quod hodie Princeps aliquis regnat in terris qui ita subito tantam pecuniam possit habere ad ma∣num: Dicunt ergo illi apud quos laboramus ut vadent, frustra illuc ibimus, in vanum istud negotium assumemus quousque praenominata summa plene fuerit perfoluta. Ecce quod huic negotio celeriter suc∣currere cupientes juxta verum beneplacitum et mandatum, huic vero praetactum periculum formidantes, cujusoam perplexitatis laqueis intricamur, inter grandes et graves angustias constituti. Veruntamen ad Apostolicae clementiae benevolentiam considerationis oculum retorquentes, magis elegimus vestrae pietatis providentiae nos et nostra exponere liberaliter et libenter, quam in tanto pericu∣lo negotium deserere indefensum: Sperantes vos nolle beneficiis vestris nos decipi, sed juvari. Hinc est clementissime Pater, quod licet inspecto statu negotii per aliquorum injuriam et ne quitiam, sine culpa nostra non modicum deformatae conditiones sub quibus Reg∣num Siciliae, et nato nostro concessum, non solum difficiles sed fere impossibiles ab aliquibus censeantur, volentes tamen in sinceritate cordis, et favoris promptitudine accingi ad obsequium Jesu Christi, de sedis Apostolicae benignitate confisi, quae non consuevit irritum facere quod semel ratum esse decreverit, juxta formam ordinationis vestrae negotium et omnia quae ipsum contingunt, complevimus, per

Venerabilem Patrem Bonon. Episcopum, quem ad hoc specialiter destinastis, privilegia nostra et filiorum nostrorum sub sigillo nostro et Bulla aurea transmittentes, circa Capitaneum destinandum, cum militia competenti jugiter insistendo: Vnde Sanctitati vestrae humiliter supplicamus, quatenus attendatis quam multipliciter sumus gravati nisi pietatis vestrae dextra nos sublevare dignetur. Nam sicut scitis, occasione istius negotii Mercatoribus Senen. et Florentin. infra Kalend. Junii tenemur persolvere 60. millia Marca∣rum ab 10. millibus quas nunc vobis et fratribus vestris solvere nos oprtet: item in apparatu Capitanei transmittendi opus est magna pecunia; unde si placet vosipsi videre potest.s, quam difficile infra festum Sancti Michaelis proximo venturum mittere prout decet, & summam solvere quae in vestro privilegio continetur. Hoc autem totum statum nostrum vestrae Beatitu∣dini duximus committendum, ut sicut placet prout vestra possibilitas po∣test pati, ordinare curetis; nam omnes vires nostras prompti sumus congerere, et etiam experiri circa prosecutionem negotii memorati, vestris beneplacitis semel humiles et devoti, & jam Nuncios solempnes vidissetis, nisi captio charissimi nostri Com. Sabald. nos impedivisset cum unum de fratribus suis ad Sanctitatis vestrae praesentiam mittere vellemus: quando hoc impe∣dimentum occurrit, petitiones verò quasdam quae praefatum tangunt negotium vestrae beatitudini recommendamus, supplicantes, utillas ad exauditionis gratiam admittatis. Teste Rege apud Norwic. 27 die Martii.

The continuer of Matthew Paris renders us this account of the Kings Letters to the Pope, containing some clauses not extant in the precedent.

Diebus sub eisdem, Dominus Rex pessimo fretus consilio, tantam pecuniam* 1.2 a Papalibus negotiatoribus mutuo accepit, ut filium suum Edmundum in Regnum Siciliae promoveret, ut seipsum in summae paupertatis vinculo irretiret. Papa autem, qui nec falli debuit, nec fallere, Regis fidem adhibuit assertionibus, quas liquido scire potuit, si vellet, fuisse penitus um∣bratiles et fallaces. Dedit enim intelligi in mandatis ipsi Papae Dominus Rex, quod Anglia pecuniae puteus extitit inexhaustus, quem nullus poterat exsiccare. Item, quod nunquam in Anglia Rex tam dilectus, tam pecuniosus, sicut ipse, praevixisset: cum ta∣men Papa per multos sibi familiares, qui tunc Romae fuerant, con∣trarium poterat didicisse: (Therefore Popes no doubt may erre and be de∣ceived, as well as deceive others.) Vsurae igitur pecuniae Regem obli∣gantes cum poenis, ad plusquam centum quotidie libras ascende∣runt; ita ut immineret tam Clero quam populo Anglico desolatio cum ruina.

His Letters to the Cardinals are thus recorded in the Clause Rolls.

Notes

• * 1.1

  Claus. 40 H. 3. m. 13. dorso.
• * 1.2

  Mat. Paris Hist. Angl. p. 908. Multiplicantur in dies oppressi∣ones Ecclesia∣rum.