REX Laon. Episcopo, Archid. Waterford, & Ministro ordinis fratrum Minorum* 1.1 in Hibernia, salutem. Cum temporibus Progenitorum nostrorum & nostra consuetudo hactenus sit obtenta, Quod vacantibus Archiepiscopatibus, Episcopa∣tibus terrae nostrae Hiberniae, a nobis petita fuerit licentia eligendi, et factis electionibus noster assensus requiri consueverit: Et etiam in ulti∣ma vacatione Episcopatus Med••••si, videlicet antequam R••chardus quondam Meden∣sis Episcopus, in ejusdem loci Episcopum eligeretur, a nobis fuerit licentia eligendi petita, et electione de ipso facta, noster super hoc requisitus fuerit assensus; miramur quamplurimum, quod B. Armachanus Archi∣episcopus, et Fr. Galfr. de Cusac, juri et possessioni nostrae in hac parte se opponunt. Et ideo vobis mandamus, in fide qua nobis tenemini firmiter injun∣gentes, quatenus in cognitione causae quae vertitur coram vobis authoritate Litera∣rum Domini Papae, inter Hugonem Medens••m electum ex una parte, & praedictos Archiepiscopum & fratrem G. ex altera, super praedicta licentia eligendi taliter vos geratis, quod dignitas Regia nullam in hac parte jurium suo∣rum, vel possessionis suae sustineat laesionem. Scituri, quod si secus ege∣ritis, dissimulare non poterimus quin contra vos, et praedictos Archi∣episcopum et fratrem Galfr. manum prout expedire viderimus exten∣damus.
Teste A. Regina nostra, & R. Comite Cornubiae fratre nostro, apud Windes. 16 die Februarii.
Per Consilium.