The first-[third] tome of an exact chronological vindication and historical demonstration of our British, Roman, Saxon, Danish, Norman, English kings supreme ecclesiastical jurisdiction from the original planting, embracing of Christian religion therein, and reign of Lucius, our first Christian king, till the death of King Richard the First, Anno Domini 1199 ... / by William Prynne, Esq.

INNOCENTIƲS Episcopus, &c. Charissimo in Christo filio Regi An∣gliae,* 1.1 salutem & Apostolicam benedictionem. Postquam Dei benignitas humili∣tatem nostram ad Apostolicae vocavit officium dignitatis, illam concepimus de tua serenitate fiduciam, quod in his quae sunt ad honorem Ecclesiae, se promptam habere & vigilem exhibere. Provenit ex hoc, quod cum venerabilem fratrem nostrum quondam Norwicensem, VVintoniensi Ecclesiae de fratrum nostrum consilio concessi∣mus in pastorem, preces tibi direxerimus speciales, ut eidem pro divina & nostra reverentia te redderes affectu benevolum, & effectu serenum, ac si quae castra, & maneria ipsius Ecclesiae, prompta benig n ate ei faceres assignari. Tu vero, sicut mirantes audivimus & dolemus, nedum preces hujusmodi voluisti deducere ad ef∣fectum, imo quod est gravius, in verba, nihil debitae▪ modestiae vel reverentiae filialis habentia, prorupisti, quod nulla postulatio inregno Angliae, per sedem Apostoli∣cam admitti possit vel debeat te invito, et quod illam quam nos in spiritualibus, tu in temporalibus habeas potestatem: nec quis postulatus possit absque tuo consensu possessionem temporalium obtinere. Adiecisti praeterea, quod translationem ipsius Episcopi reputares invalidam, tanquam a nobis per vitium surreptionis ob∣tentam. Haec siquidem fili charissime, non Dei, non Ecclesiae, non tuae resonant sublimatis honorem, non sapiunt justitiam, non redolent aequitatem, praesertim cum teneat * 1.2 omnium credulitas pia fidelium, quod Apostolicae sedis auctoritas liberam habeat in Eccle∣siis universis potestatem a Dei providentia: nec arbitrio Principum ipsa stare cogitur, ut eorum in electionum vel postulationum negotiis requirat assensum. In quibus tamen Dominum habendo prae oculis, sic provide procedit & caute, quod per Illam nullius possit honori detrahi, vel justitiae derogari. Sicut etiam in translatione ipsius Episcopi dignoscitur processisse, in quo promovit hominem scientia, moribus, & honestate perspicuum, ac in spiritualibus & tem∣poralibus circumspectum, olim tibi charum & amabilem, ac semper tuis beneplaci∣tis secundum Dominum totis viribus intendere cupientem, per cujus industriam pro∣batam, in plurimis honoris & commodi proficere poteris incrementis. Sed tamen non suggerat astutia susurronum, a quibas parare dispendia virtuosis, pro indif∣ferenti ducitur, dummodo sua specialia commoda vel privata desideria consequantur. Tuam itaque celsitudinem affectione qua possumus exhortamur, & obsecramus in Domino Jesu Christo, quatenus ab impia suggestine talium Regiae pietatis avertens auditum, Ecclesiam Dei continuo prosequaris honore, & indultae sibi desuper liber∣tatis privilegium, conservare studeas illibatum. Nunc & in posterum tui Regni Praelatos, ea quae in spiritualibus seu temporalibus spectant ad ipsorum Ecclesias, li∣bere consequi & pacifice possidere permittas. Caeterum, solerti considerans me∣ditatione, quod in Apostolici prosecutione officii, divini nominis deservimur hono∣ri, quae de praefato Episcopo cum solenni deliberatione fecimus, non ad animum revoces, non aliquo impedimenco perturbes. Sed qui cordi nostro statui∣mus, ut te specialem inter alios terrae Principes habeamus, in ipso impertiri pro∣curans honorem, sibi castra & maneria, cum fructibus inde perceptis a tempore translationis hujusmodi, omni postposita difficultate, resignes, ac benevola be∣nignitate conced••s, quod solicitudinem ei creditam possit cum effectu prosequi, tua favente gratia speciali. Alias autem, cum libertatem Ecclesiasti∣cam in diebus nostris velimus non minui, sed Deo propitio augeri cupiamus, nullatenus sustinere poterimus, quod nos in ipso E∣piscopo

tam praejudicialem injuriam patiamur. Datum Laterani, tertio Calend. Martii, Pontificatus nostri anno primo.

Simili modo scripsit Dominus Papa Anglorum Reginae Epistolam elegantem, pro* 1.3 Episcopi Wintoniensis negotio, in cujus Epistolae titulo, asserit Papa ipsam Reginam sibi esse, (sed nescitur qua ratione) consanguineam, nisi forte ut haberet eam suis negotiis proniorem, & petitionibus favorabiliorem. Ipsum igitur verbis ele∣gatissimis petit & exhortatur, (sciens quia mulier, quasi molliens herum dicitur) ut ipsa Regis viri sui in hoc rigore & rancore, quem concepit erga Episcopum Wintoni∣ensem, studeat emollire.

Scripsit idem Dominus Papa electo Cantuariensi, Wigornensi & Herefordensi Episco∣pis, ut ipsi dicto negotio diligenter intenderent, annectens in fine Epistolae, ut nomina susurronum, animum Regis pervertentium, sibi in literis suis rescriptis mitte∣rent annotata.

Upon receit of these Letters, the King sent certaine Articles to the Bishop of Winchester to subscribe, without which subscription he would not receive him to his favour: To which the Bishop returned this Letter and Answer.

Notes

• * 1.1

  Literae Papales ad Regem Ang. pro Epis. Wint.
• * 1.2

  A Papal Le∣gend.
• * 1.3

  Mat. Paris. p. 615. 616. Mat West. An. 1244 p. 181, 182.