The first-[third] tome of an exact chronological vindication and historical demonstration of our British, Roman, Saxon, Danish, Norman, English kings supreme ecclesiastical jurisdiction from the original planting, embracing of Christian religion therein, and reign of Lucius, our first Christian king, till the death of King Richard the First, Anno Domini 1199 ... / by William Prynne, Esq.

REverendissimo Domino & Patri in Christo dilectissimo H. Dei gratia summo* 1.1 Pontifici H. eadem gratia Rex Angliae, &c. salutem, & se & sua omnia. Cum in nostris ageret partibus merito nobis semper diligendus Venerabilis Pater. G. Titulo sancti Martini, Presbyteri Cardinalis, vir utique tam fidelis quam consulti pectoris, videns vidit Carleolensis Ecclesiae desolationem & ruinam, nec clausis praeteriens oculis quod in confinio Regnorum Angliae & Scotiae sit, eidem de mandato vestro Pastorem praefecit suae scientem domini caute disponere, nobisque pariter et regno nostro volentem prodesse: hic est ille H. quondam Abbas Belli loci quem vere dicimus virum in agendis provi∣dum, tam Literarum scientia, quam moribus insignitum, et quod potius collaudamus, in devotione Sanctae Romanae Ecclesiae paratissi∣mum, et in fidelitate nostra multipliciter expertum. Uerum cum idem Antistes ad reformationem Ecclesiae suae, multis bonis et posses∣sionibus mutilatae diligentius intendat, ex relatione ejusdem et prae∣decessorum nostrorum Regum Angliae Cartarum inspectione, nobis

et Consiliariis nostris innotuit, Ecclesias subscriptas ex concessione bonae memoriae Regis Henrici primi, in prima fundatione Ecclesiae Carieolensis, eidem Collatas fuisle, videlicet in Episcopatu Dunolmensi, de as∣sensu Hugonis tunc Dunolmensis Episcopi, Ecclesiam de Novo Castro, cum Capellis, & omnibus ad eam pertinentibus, Ecclesias de Newborne, & de Corbrigge, & de Rooberii, & de Wittingham, & de Werkwurth: & in Episcopatu Carleolensis, Ecclesiam de Penret, cum quibusdam aliis, & confirmatum fuit dictae Carleolensi Ecclesiae, per Chartas Regum Angliae, scilicet praedicti Regis Henrici primi, & secundi, & Regis Richardi Avunculi nostri, & Regis Johannis Patris nostri, & per privilegia plurimorum Pontificum, ut memoratas Ecclesias in usus proprios perpetuo possideret. Verum tamen tempore vacationis Carleo∣lensis Ecclesiae, alienatae sunt ab ea et usibus suis omnino subtractae jam dictae Ecclesiae per incuriam et negligentiam ejusdem loci Ca∣nonicorum. Quod tanto gravius patimur, quanto minus Episcopali novimus dig∣nitati sufficere quae suis sunt usibus reservata. De consilio igitur nostro pro eodem Episcopo, ad cujus honorem multo tenemur debito; Sanctitati vestrae in omni devo∣tione duximus supplicandum, ut attendentes, si placet, Ecclesiae Car∣leolensis paupertatem, et quantis Pontificalem apicem necesse sit honoribus extolli, quam in nullo vilescere decet vel egere; revoca∣tis, si placet, in irritum alienationibus dictarum Ecclesiarum factis temporibus quibus vacavit sedes Carleolensis, ipsas eidem Ecclesi∣as restituere et confirmare velitis, in usus et honorem sui Pontificis, tanto benigniores nostris precibus aures accommodantes, quanto libentius et propensius nobis noscitur valuisse, et in posterum posse valere, ut de provectione sua, quae nostra est, una cum caeteris Aposto∣licae sedis beneficiis ad humillimas gratias et perpetuas devotiones vestrae debeamus assurgere sanctitati.

Teste Com. apud Westmonasterium, Decimo septimo die Februarii.

Per eundem & P. Wint. & Justic.

Notes

• * 1.1

  Claus. 3. H. 3. m. 11. dors.