The first-[third] tome of an exact chronological vindication and historical demonstration of our British, Roman, Saxon, Danish, Norman, English kings supreme ecclesiastical jurisdiction from the original planting, embracing of Christian religion therein, and reign of Lucius, our first Christian king, till the death of King Richard the First, Anno Domini 1199 ... / by William Prynne, Esq.

REX Justic. Hiberniae salutem. Cum venerabilis in Christo Pater R. Waterford* 1.1 Episcopus, de mandato Venerabilis Patris G. quondam Legati in Anglia, ad partes boreales pro Consecrando Episcopo Carleolensi accessisset, & Magister R. de Bedeford cum Magistro Macrobio & David Canonicis Lismor. ad Domum P▪ nunc Le∣gatum in Anglia, & nos, & consilium nostrum advenisset, protestans & ostendens quasdem Literas quibus Capitulum Lismor. eisdem M. & D. Canonicis potestatem contulerat eligendi Pastorem ad Lismor. Ecclesiam quam tunc nobis asserebant vacare: Nos dictis eorum fidem adhibentes, electioni de persona ipsius Magistri R. sic celebratae Regium praestantes assensum, eo quod consona videbantur esse rationi quae fuerunt de eadem nobis proposita, si veritate fuissent subnixa, ipsum Magistrum R. in pos∣sessionem omnium bonorum ad Ecclesiam Lismor. spectantium tan∣quam Electum praecepimus: Sane cum postmodum reverteretur Episcopus ille Waterford, Episcopus proponens nobis et Concilio nostro, ipsum et praedecessores suos Lismor, Ecclesiam cum suis perti∣nentiis tanquam partem Episcopatus Waterfordensis diutius te∣nuisse et possedisse, exhibuit ipsi Domino Legato et concilio nostro literas Domini I. titulo Sancti Stephani in monte Celio Pres∣byter Cardinalis pridem in Hibernia Legato, super Ordinati∣one eorundem Episcopatuum, qui licet aliquando tempore Hiberni∣ensi divisi extitissent ut dicebatur, ostendit, eos per ipsum Legatum coadunatos, nec poterat sic aliquis in ejus praejudicium, qui utrique praesedebat Ecclesiae, in unam earum per falsi suggestionem ingres∣sum fraudulenter promeruisse. Nos igitur attendentes nunc ex ipsius relatione et operis exhibitione Majestatem nostram fallaci∣ter per ipsum Magistrum R. esse circumventum, qui Lismoriensem Ecclesiam nobis dixit esse vacantem; et nos sic ejus electioni fecit tacita veritate consentire, decrevimus ut cum mendax precator carere debeat impetratis, nec ei praestare debeat patrocinium quod per fraudem et dolum nisus est a nobis et consilio nostro impetrasse memoratus Waterfordensis Episcopus in possessionem omnium bo∣norum praefatae Ecclesiae Lismoriensis inducat. Quocirca Uobis Mandamus, quatenus non obstantibus literis nostris quas ipse Ma∣gister R. de Bedeford suppressa veritate a nobis et Consilio nostro obtinuit, quibus possessionem eorum quae ad Ecclesiam Lismorien∣sem pertinent est adeptus, sine dilatione memorato Waterfordensi Episcopo plenam seisinam habere faciatis omnium possessionum quae ad ipsam Ecclesiam Lismoriensem noscuntur pertinere. Teste H. de Burgo Justic. apud Westmonasterium Septimo die Junii per Literas suas domino∣rum Winton. & Dunolm. Episcoporum, factas authoritate Domini Legati.

Notes

• * 1.1

  Claus. 3. H. 3. m. 8. intus. Pro Waterford Episcopo de Episcopatu Lis∣more Hibernia.