To the extent possible under law, the Text Creation Partnership has waived all copyright and related or neighboring rights to this keyboarded and encoded edition of the work described above, according to the terms of the CC0 1.0 Public Domain Dedication (http://creativecommons.org/publicdomain/zero/1.0/). This waiver does not extend to any page images or other supplementary files associated with this work, which may be protected by copyright or other license restrictions. Please go to http://www.textcreationpartnership.org/ for more information.
Debitores autem suos sub tali obligatione sibi obligaverunt. Universis prae∣sens scriptum visuris N. Prior, et Conventus N. salutem in Domino. Noveritis nos mutuo recepisse apud Londinum, pro no∣stris
et Ecclesiae nostrae negotiis utiliter expediendis, ab illo N. et illo N. pro se et sociis suis, civibus et mercatoribus civitatis N. centum et quatuor marcas bonorum et legalium esterlingorum, tredecim solidis et quatuor esterlingis pro qualibet cumputatis. De quibus centum et quatuor marcis, nomine nostro et Ecclesiae no∣strae, bene nos vocamus quietos et integre protestamur pacatos: exceptioni non numeratae, non solutae, et non traditae nobis pecuniae, ac etiam exceptioni, quod dicta pecunia in usus nostros et Ecclesiae nostrae non sit conversa, omnino renunciantes. Quas praetaxatas centum quatuor marcas esterlingorum, praedicto modo et numero compu∣tandas dictis mercatoribus, vel uni ipsorum, vel eorum certo nuncio, qui praesentes literas secum attulerit, in festo sancti Petri ad vincula, scilicet prima die mensis Augusti, apud Novum Templum Londini, anno Dominicae incarnationis millesimo ducen∣tisimo trigesimo quinto, per legitimam stipulationem promitti∣mus, et tenemur nomine nostro et Ecclesiae nostrae, nos integre soluturos, et reddituros. Tali tenore adjuncto, quod si dicta pe∣cunia praedictis loco et termino, sicut dictum est, non fuerit perso∣luta et reddita; ex tunc in antea semper transacto termino promit∣timus, et tenemur per eandem stipulationem, dare et reddere prae∣dictis mercatoribus, aut uni eorum, vel eorum certo nuntio, per singulos menses duos, pro singulis decem marcis, unam marcam dictae monetae, pro recompensatione damnorum, quae damna et ex∣pensas ipsi mercatores ex hoc possent incurrere vel habere: ita quod damna et expensae et sors cum effectu peti possint, ut superius sunt expressa, et expensas unius mercatoris cum uno equo, et cum uno serviente, ubicunque fuerit mercator, usque ad plenam solu∣tionem omnium praedictorum. Expensas etiam factas et faciendas, pro ipsa pecunia recuperanda, reddemus et restaurabimus eisdem mercatoribus, vel uni eorum, vel eorum certo nuncio. Quam re∣compensationem damnorum interessae, et expensarum, promitti∣mus dictis mercatoribus in sortem dicti debiti nullatenus computari, ac non detinere dictum debitum sub praetextu recompensationis me∣moratae, contra voluntatem praedictorum mercatorum, ultra ter∣minum antedictum. Pro quibus omnibus antedictis, firmiter et plenarie adimplendis, et inviolabiliter observandis, obligamus nos et Ecclesiam nostram, et successores nostros, et omnia bona no∣stra et Ecclesiae nostrae, mobilia et immobilia, Ecclesiastica et mun∣dana, habita et habenda, ubicunque fuerint inventa, mercatori∣bus antedictis, et eorum Haeredibus, usque ad plenam solutio∣nem omnium praedictorum, quae bona ab eis precario nomine recog∣noscimus possidere. Et volumus super omnibus antedictis ubi{que} et in omni foro conveniri, renunciando pro omnibus antedictis, pro nobis et successoribus nostris, omni juris auxilio canonici et civi∣lis, privilegio clericatus et fori, Epistolae Divi Adriani, omni consuetudine et statuto, omnibus literis, indulgentiis, privilegiis, pro Rege Angliae, et omnibus Regni sui a sede Apostolica impetratis et impetrandis, constitutioni de duabus dietis, beneficio restitutio∣nis in integrum, beneficio appellationis et recusationis, * literis* 1.1 inhibitionis Regis Angliae; et omni alij exceptioni reali et perso∣nali, quae posset objici contra hoc instrumentum vel factum. Omnia ista promittimus fideliter observanda. In cujus rei Testimonium, praesenti scripto sigilla nostra duximus apponenda. Acta die quin∣ta
Aelphegi, Anno gratiae M. CC. XXXV. Talibus igitur inextricabilibus vin∣culis debitores suos Caursini constringebant. Qui ut verbo alludamus, vere Caursini, quasi causantes, vel capientes, & ursini nuncupantur. Indigentes tamen primo sermonibus mellitis & mollitis alliciebant, in fine vero velut jacula vulnerantes: unde multi propter verba eorum subscripta arguta, & a legibus extracta, causidicorum∣que cognata fallaciis, haec non sine Curiae Romanae conniventia fieri arbitrantur, illud Evangelicum commemorantes: Prudentiores sunt filii saeculi hujus, quam filii lucis, in generationibus suis. Judaei quoque novum genus usurae in Christianis comperi∣entes, Sabbatha nostra immerito deridebant. The Bishop of London endeavoured to reform this worse then Jewish usury and extortion, but without successe to his great vexation.
Nota.