Page 427
ET his ita gestis, misit incontinenti literas suas magister Stephanus ad singulos E∣piscopos,* 1.1 Abbates, Priores, & cujuscunque professionis viros religiosos regni; sub poena interdicti & excommunicationis, praecipiens, ut tali die tantam pecuniae sum∣mam sibi transmitterent de moneta ad pondus denarii probata, & nuper fabricata, ut inde creditoribus Domini Papae satisfacere posset, & ipsi poenas evaderent Inter∣dicti. Erat enim in hujus rei executione adeo improbus exactor, ut etiam de frugi∣bus Autumni futuri, qui adhuc in herba crescebant, singulos compelleret decima∣rum sibi precium exhibere. Praelati vero aliud remedium non habentes, calices, phialas, philacteria, & alia sacra altaris vasa, quaedam vendiderunt, nonnulla in pignus sub foenore posuerunt. Praeterea habuit idem magister Stephanus quosdam secum foeneratores nequissimos, qui se mercatores appellabant, usuram sub nomi∣ne negotiationis palliantes, qui egentibus, & exactionibus vexatis obtulerunt pe∣cuniam: & urgente memorato Stephano, sub poena gravissima, coacti multi mutuo cepere, qui postea in laqueos eorum inciderunt, damna irrestaurabilia incurrentes. Continuis maledictionibus, sed occultis, repleta est terra imprecantibus cunctis, Exactio suis fiat exactoribus nunquam fructuosa. Quod juxta vota populi accidit, quia