HAC praeterea tempestate, P. Wintoniensis Episcopus, & magister Pandulphus,* 1.1 ad Archiepiscopum Cantuariensem, personaliter accedentes, ex parte Do∣mini Papae firmiter praeceperunt, Ut sententiam sedis Apostolicae in Barones Angliae Romae generaliter latam, Suffraganeis Cantuariensis Ec∣clesiae committeret publicandam: et ipsemet, quantum ad ipsum spec∣tabat, singulis diebus Dominicis et festivis per totam Cantuari∣ensem diocesim faceret publicare. Erat autem jam idem naves ingressus, ut Romam ad Concilium properaret, unde postulavit inducias, quousque Domini Papae colloquio frueretur, ad senten∣tiam publicandam, constanter affirmans, quod tacita veritate senten∣tia fuerat in Barones lata; et ideo nullo modo se illam publica∣turum respondit donec super praemissis viva voce summi Pontificis cognosceret voluntatem. At memorati hujus rei executores, cum Archiepiscopum Domini Papae praeceptis inobedientem cognovissent, authoritate qua fungebantur usi, ipsum ab Ecclesiae ingressu acdivinorum celebratione suspenderunt. Quam ille suspensionem hu∣militer observans, sedem Apostolicam suspensus petivit. Cunc Episcopus Wintoniensis cum conjudice suo Pandulpho, Baro∣nes Angliae omnes, qui Regem a Regno depellere moliebantur, ex∣communicatos denuntians, singulis diebus Dominicis et festivis, latam sententiam innovavit. Sed Magnates quoniam in Authen∣tico Domini Papae nullus eorum fuerit nominatim expressus, dic∣tam sententiam non observantes, inanem et nullam reputabant.
Hereupon King John complained to the Pope of the Barons obstinacy, in reject∣ing all his proposals of peace and reconciliation to them, though never so reason∣able, and that yet the Archbishops refused to excommunicate them.