The first-[third] tome of an exact chronological vindication and historical demonstration of our British, Roman, Saxon, Danish, Norman, English kings supreme ecclesiastical jurisdiction from the original planting, embracing of Christian religion therein, and reign of Lucius, our first Christian king, till the death of King Richard the First, Anno Domini 1199 ... / by William Prynne, Esq.

INNOCENTIUS Episcopus Servus Servorum Dei, Charissimo in Christo Filio, Johanni illustri Anglorum Regi salutem, & Apostolicam Benedictionem. Cum su∣per negotio Cantuariensis Ecclesiae nos tibi scripserimus, humiliter, diligenter, benigne exhortando ac rogando, tu nobis (ut salva pace tua loquar) rescripsisti quasi com∣minando, et exprobando contumaciter et proterve. Et cum nos tibi supra jus deferre curemus, tu nobis secundum jus deferre non curas, mi∣nus quam deceret attendens, quod si tua nobis devotio plurimum est necessaria, nostra tamen tibi non parum est opportuna. Cumque nos in tali Ca∣su tantum honorem nulli Principum detulimus quantum tibi, tu nostro tantum derogare attendis honori, quantum in simili casu nullus Princeps de∣rogare presumpsit, quasdam Frivolas occasiones pretendens, qui∣bus asseris, quod Electioni de dilecto filio nostro Magistro Stephano, titulo Sancti Chrysogoni Presbytero Cardinali a Monachis Cantuariensibus celebratae, non potes portare consensum, quia videlicet inter tuos est conversatus inimicos, et persona ejus est tibi prorsus ignota. Porro juxta proverbium Solomonis, frustra jacitur rete ante oculos pennatorum, cum intelligamus illud, ei non esse imputandum ad culpam, sed ad gloriam potius adscribendum, quod Pa∣risiis diu vacans liberalibus studiis, in tantum profecit, ut meruerit esse Doctor, non solum in liberalibus facultatibus, verum & in Theologicis disciplinis. Ac si per hoc cum vita concordet Doctrinae, dignus est habitus praebendam obtinere Parisiensem. Unde mirabile gerimus, si vir tanti nominis de tuo regno ducens originem, tibi po∣tuit esse saltem quoad famam ignotus, praesertim cum ter scripsisses illi postquam nobis extitit in Cardinalem promotus: quod licet disposueris eum ad tuae familiaritatis obsequium evocare, gaudebas tamen quod ad majus erat officium sublimatus. Sed illud potius te attendere decuisset, quod in terra tua natus est, de parentibus tibi fidelibus ac devotis, quodque in Eboracensi Ecclesia fuerat Prebendatus, quae longe major & dignior quam Pariacensis existit. Unde non solum ratione carnis & san∣guinis, verum & obtentu ecclesiastici beneficii & officii, te ac regnum tuum af∣fectu sincero diligere comprobatur. Nuncii vero tui causam nobis aliam expresse∣runt, quare non prestitisti ejus electioni consensum, quia videlicet

nunquam fuerat requisitus ab illis, qui eum a te debuerunt postu∣lare, asserentes quod literae illae quibus mandavimus, ut super hoc negotio pro∣curatores ad nos idoneos destinares, ad te minime pervenerunt. Et Monachi Can∣tuarienses, quamvis pro aliis negotiis ad tuam presentiam accessissent, pro postulan∣do tamen consensu nec literas, nec nuncios direxerunt; Unde iidem nuncii cum multa instantia nobis supplicarunt, quatinus ex quo nobis complacuit hanc tibi honorificentiam reservare, ut Monachi e Cantuarienses regium postularunt assensum, quoniam hoc factum non erat, dilationem con∣gruam concedere dignaremur, infra quam posset id fieri, ne juri tuo contingeret derogari. Contra personam Electi quiddam ad ultimum proponen∣tes, quod cum manifeste factum sit, Ostium oris claudere debuissent, presertim cum si verum esset, promotionem ejus jam impedire non posset. Licet autem super* 1.1 Electionibus apud sedem Apostolicam celebratis, non consueverit as∣sensus Principum expectari, Duo tamen Monachi fuerunt specialiter deputati; ut ad te pro requirendo assensu venirent, qui apud Ydivoriam fuerunt retenti, ut injunctum sibi mandatum exequi non valerent, & praefatae literae de procuratoribus ad nostram praesentiam destinandis, tuis fuerunt Nuntiis assignatae, ut eas tibi fideli∣ter praesentarent. Nos quoque qui super eandem Ecclesiam Cantu∣ariensem plenitudinem potestatis habemus, regium super hoc dig∣nati sumus implorare favorem. Et Cursor noster qui Apostolicas tibi Literas presentavit, literas quoque Prioris ac Monachorum, qui ex mandato totius Capituli Cantuariensis Celebraverunt electionem memoratam, super assensu prae∣tendo, Regiae sublimitati porrexit. Ideoque non vidimus oportere denuo post haec omnia regium postulare consensum. Sed illud Agere disposuimus, non declinantes ad dextram vel ad sinistram, quod Sanctorum Patrum Canonicae sanctiones, statuunt faciendum, ut videlicet nihil morae vel difficultatis re∣ctis dispositionibus auferatur ne gregi Dominico diu desit cura Pastoralis. Quocirca vel discretioni tuae vel Regali Prudentiae suggeratur a quoquam, quod aliquatinus valeat a consummatione hujus officii revocari, quoniam absque * 1.2 vi & dolo canonica sit Electio de persona idmea concorditer celebrata, sine damno famae & periculo consci∣entiae differre non possemus. Tu ergo Fili Charissime, cujus honori supra jus de∣ferri curavimus secundum jus, nostro studeatis honori deferre, ut gratiam divinam & nostram uberius merearis, ne forte si secus egeris, in eam te difficulta∣tem inducas, de qua non facile valeas expediri, cum tandem opporteat eum vincere, * 1.3 cu•• ••lectitur omne genu Coelestium, terrestrium & infernorum, cujus nos vices in terris, licet immeriti exercemus. Ne igitur eorum consiliis adquiescas, qui tuam femper turbationem desiderant, ut melius possint in aqua turbida piscari, sed nostro beneplacato te committas, quod utique tibi cedet ad laudem, gloriam et honorem. Quia non esset tibi tutum in hac causa Deo et Ecclesiae repugnare, pro qua beatus Martyr et Pontifex Gloriosus Thomas sangui∣nem suum recenter effudit, presertim ex quo Pater et Frater tuus clarae memorie tunc Reges Anglorum in manibus Legatorum A∣postolicae sedis illam pravam consuetudinem abjurarunt. Nos autem si nobis humiliter acquieveris, sufficienter tibi & tuis providere curabimus, ne su∣per hoc valeat vobis aliquod prejudicium generari. Datum Laterani, Pontificatus nostri Anno Decimo.

King John being no wayes courted out of, nor terrified from his Royal Rights* 1.4 and Dignities by the courtship or menaces of Pope Innocent, thereupon Anno Dom. 1208. he thus most injuriously proceeded against him.

Notes

• * 1.1

  Nota.
• * 1.2

  The contrary appeared in both.
• * 1.3

  Phil. 2. 9, 10.
• * 1.4

  An. Dom. 1208