For to knowe how the wyndes growe and come. ca. xxixo
OF the wyndes may men enquyre reson of them that vse the sees / And the wyndes renne round aboute therthe oftymes / and entrecounte and mete in som place so asprely / that they ryse vpon heyght in suche wyse that they lyft vp thayer on hye / And thayer that is so lyft and taken fro his place / remeueth other ayer in suche facion that it retorneth as it were afterward / and gooth cryeng and •• brayeng as water rennyng / ffor wynde is none other thyng but ayer that is meuyd so longe / tyl his force be beten doun with the stroke / Thus come ofte clowdes raynes thondres & lyghtnynges / and the thinges tofore said / Ther ben yet other resons how these werkes co∣men / But thise that beste serue to knowelege and lygtly