- Ed¦ward.
- Egel∣redus·
[ B] ¶Edward the eldest son of Edgar was next kyng of Englond the yere of. cryst .ix.C.lxxvii / this Ed∣ward rydyng in a forest lost his people & sodēly cam to the castell of Corf where Elfryda his moder in law & last wyfe to kyng Edgar lay / whom when she had aspyed desyryd hym to drynk / & as the kynge drank / a seruaunt of hers whom she had hyryd stroke the kyng to the hart with a dager & so she causid hym to be sleyne because she wold haue Egelredus her son kyng which was second sō of kyng Edgar which kyng whē he was thus strykyn wold haue fled toward his company / but he bled so sore that he fell from his hors the one foot fast in the styrrop & so was drawn with the hors till he cam to a certeyn place where that he was foūdyn dede all alone that the maner of his deth was vnknowyn long after / It is seyd yt this Elfrida toke repentaunce therfōre & byldyd two monestarys of nonnys Amesbury & warwell in which warwell she after lyuyd a solytary lyfe & after dyed.
¶Egelredus the son of Edgar & of the seyd Elfrida was next kyng of Englond the yere of 〈◊〉〈◊〉 ·ix.C.lxxxi. This kyng was vngracyous in the begynnyng wretchyd in hys mydyll lyfe & hatefull to his peopull in the end / In his tyme the Danys rose agayn & dyd great harm in dyuers placys in Englōd that the kyng was glad to graunt them gret sōmys of money for pease to be had for the assuraunce of which pease Anlaff capteyn of the danys became a Crysten man. [ B]