- Edwī
- Edgar
[ B] ¶Edwyn the eldest son of Edmond broder to Ethelstone was next kyng of Englond / the yere of cryst ixC.lvi. he banysshyd seynt donstone for a season & toke goodis & Iewelis frō relygyus hous{is} & gaft them to alyantis & strāgers / he was a vycyus man of lyuyng & also a tyrrant to his subiectis yt in conclucions they depryuyd hym from all kyngly dygnyte & honoure.
¶Edgar second son of Edmond & broder to Edwyn was next kyng of Englond the yere of cryst .ix.C.lx. he kept so good Iustyce & dyd so sharp execucyon that in his days was lytyl felony or robbery vsed / he cawsyd ludwallus prynce or kyng of walys to yeld to hym yerely by way of trybute .CCC· wolphis by reasō whereof the wolphis in Englond & walys were dystroyed / this Edgar vsyd euery somer to skour the see with shyppys & kept them stel all the yere euer redy for the same purpose with all aperrell belongyng to them by meanis whereof he kept his land frō outward enmyes / Also in his tyme as well the danis as all other peple in Englond vsyd mych vyse of grete drynkyng ye kyng ther for rode thorough the realme & dystroyd many alehousis & wold suffer but one alchouse in a vilage or towne except it were a grete borough & ordenyd certeyn cuppys with pynnys & naylys & made a law that who so euer drank past that mark at one draught shuld forfeyt a certeyn payn whereof the accuser shuld haue the one half & the ruler of the town the other half ••he subdewd the bryttōs in wa∣lys & spoylyd theyr cōtrey / this Edgar was vycyous & louyd feyr womē & slew Ethelwold a knyght of his for the loue he had to his feyr wyff Elfryda whom he after maryed Also this Edgar begat of one wylfryth a non a doughter but after that both the mother & the doughter prouyd holy women / but after this Edgar by the counsell of seynt donston toke repentaunce therfore & byldyd & repayryd many housys of relygyon. [ B]
[ F] he made gret warr vppon Rychard duke of normandy & wan the cyte of bayon. [ F]