Alure¦dus.
[ B] ¶Aluredus or Alfred the .iiii. son of Ethelwolphus was next kyng of westsaxons & of ye most parte of englond the yere of cryst .viii.C.lxxii / he was .xii. yere old or yt he went to skole but than he profitid meruelously & was very conyng & subtyll of wy•• / he brought vp hys chyldren in lernyng & causyd his-doughters to lerne the sciens of gramer with many other goodly vertwis he causid his lordis & peo¦ple to be obediēt to hym more by iustyce & fayre behestys thā by war or cruelte / he warryd oft agaynst the danys but at the last by agrement he voydyd them the west contrey wherfore they drewe toward London & there spoylyd and robbyd and afterwarde they went to Mercia and there slewe the kyng Burdredus and put in hys place one Chelwolphus theyr seruant / but after this the kyng kept the danis so / short that he constraynyd them to gyue hym pledgys for the pease & also to agre to avoyde the land as sone as they myght haue shippyng & after that appoyntment & after the deth of Chelwol∣phus he cam to mercia & seysyd that domynyon & Ioynyd it to his own westsaxōs but yet the danys continuyd & incresyd more by reason of the cōminge of a nother prynce of danis callyd Gutteron or Gowrmond callyd kyng of demmark wherfore kyng Alured was feyne to fle to the wodis in som∣myrsetshyre but after as it is sayd by the ayde and myrracle of sent Cutberd he droue the danys out of that cūtrey & forsed them to sewe for pese which was thus concludyd that this Gouteron shulde be crystenyd & certeyne of his dukys which so performyd he grauntyd to them Estangles to dwell in and the contre of northumberland & they that wold not be crystynyd departyd to fraūce which after [ B]