Lews th•• milde
[ F] ¶After that this Charlys subdewyd ye saxōs & wēt in to spayne with a grete host agayns ye infidellis and there conqueryd a grete contrey but as he cam home by the moūteyns of phyr••enes & roūceuaulz the Gascons gafe hym a grete battell where Rouland & Olyuer were slayn and other of the noblest of his Army / he ordeynyd the vnyuersite of Pares he byldyd .vii. Churches in ye honor of seynt Iamys Also he was Emperour made by pope Leo & laft the gouernaūce of Fraūce to his eldyst sōn Charles but he dyed before his father.
¶Lews ye myld was next kyng of Fraūce & also Em{per}our as apperyth a boue among the Em{per}ours / In his tyme a grete cōpany of the Danis & Normanys inuadyd the land of Fraūce & dyd grete hurt but this Lews shorly after vanquesshyd thē & dr••fe them owt of his lādis / Also this tyme in a grete tempest of hayle in Fraūce ther fell down owt of the heyre a pese of yse whych was .xv. fote in lenght .vi. fote in brede & .ii. fote of thyknes. [ F]