Lews the milde
[ E] ¶Lewes the furst callyd the myld & son to charlmayn was next bothe emperour & kyng of fraūce the yere of cryst .viii.C.xv. he ordeynyd by a coūsell a booke to be made of the cerimonis of the church to be kept by ye clergy he reformyd ye pryde & the su{per}fluite of the men of the church / his .iii. sōnis lothayr Lews & Pepyn cōspyryd agayns hym & cōpellyd hym to fle from the empyre in a monk{is} clothyng bu•• at the last he obteynyd agayn his Imperyall dygnite / Mychell thēperour of Constantinople send to hym the booke of seynt de••yse de celesti Ierarchia. [ E]
¶But yet not withstondyng that this Egberte had thus obtaynyd the Domynyon of the hole lād [ B] yet after that dyuers toke vppon them to be kyngis in dyuers of the .vii. kyngdomis as beforesayd and there rulyd for a seson but yet they neuer long contenued theryn but were subduid agayn shortly except that they were trybutaries to the kyngis of west saxons In the .xix. yere of this Egbert the danis enteryd in to this land the second tyme & spoylyd the Ile of ••hepey wherfore Egberte & his kny••htis met with thē & gaue them battell but Egbert with his peple were compellyd to forsake the feld / and after the danis cōfederyd with the west brytteyns & dyd mych hurt to Egbert{is} land albeit Egbert kept nobly his domynyon as kyng of all the land / but yet he coud not so expulse the danis but that they euer were abydyng in one place or other of the land duryng ye lyf of Egbert whych reynyd .xxxvii. yere & then dyed. [ B]