Heli / Lud / Cassibelan
[ B] ¶Hely that was son to Dignellius reynyd next his fader & had .iii. sonis Lud Cassibelane & Ne••i{us}. ¶Lud son to Hely reynyd next after he gouernyd well the lād and louyd more to dwell at new troy•• than at any other place of the land wherfore the name of new Troye was lost and callyd Luddestō and now by chaunge of spech and letters it is callyd Lōdon / This kyng made to the cite a fayre gate callyd Ludgate after his name he had ·ii. sonnis Androgenus & the other Tenencius he dyed and is buryed at London.
¶Cassibelan brother to lud was so good a man & so wel belouyd that he was chosyn kyng next becau∣se Lud his sonnis were thā so yong that they coud nother go nor speke But ye kyng afterward ma∣de Androgen yerle of lōdon & Tenencius yerle of Cornwall / In his tyme Iuli{us} cesar that after was emperour of rome cam in to brytayn with gret power of romayns but cassibelan dro•• hym owt / and after yt debate fell betwen the kyng & androgen & after that Iulius came agayne as galfridus writith by the help of androgen & ouercam Cassibelā and made hym gyf•• an yerely trybute to rome of .iii.M ••. and anon after Iulius went to rome & androgene with hym & after in the Cena••e house Iuli{us} beīg emperour was slayn of the Cenatours with bodkyns / This Cassybelan died withowt heyre of his body and is bury∣ed at york. [ B]