Page [unnumbered]
Paulus.
[ P] ¶Paulus was nexte pope / he hylde the see .vi. yere. [ P]
[ E] [ E][ B] ¶But sone after this a newe styrrynge began in Lyncolneshyre by meanes of the lorde welles / for whome the kynge sent by feare meanes / and as it was sayd promysed hym to come safe and goo safe / but whe••her the kinge made to hym any suche promyse or nat / yet he was shortely after beheded.* 1.1 And also sone after this a concorde and vnyte was labored betwene kynge Edwarde and his brother the duke of Clarence / and the erle of warwyke / wherfore they met all at Lon∣don at Baynardes castell / where the duchesse of yorke theyr mother than lay. But anone after ye erle of warwyke sodaynly departed to warwyke / and there gathered a great strength. And in this whyle syr Robert welles / son to ye lorde welles before put to dethe / assembled a great power / purposynge to gyue kynge Edwarde battell / and than the kyng sent to hym to come to hym and he shulde haue his pardon / but he sent answere to kynge Edwarde that he trusted nat his pro∣myse / but thought he wolde deale with hym as he dyd with his father. But at the last whan kyng Edwarde with his power drewe nere to hym / this syr Robert welles fled / but anone after that he was taken / and with hym one syr Thomas Dynmoke / whiche shortely after were bothe put to dethe. Also about this tyme there arose a great varyaunce betwene Northernemen and the welchemen / to the whiche welchemen the lorde Harforde was captayne / whiche mette to gether at a place called Egecot besyde Banberye / where betwene thē was fought a great battell / where the Northynmen had the victorye / where the lorde Harbarde was slayne with many great gen∣tylmen of wales.* 1.2 Also in this season the duke of Clarence de{per}ted from kyng Edwarde & went to the erle of warwyke and toke his parte / but the sayd duke and erle perceyuynge theyr lacke of power agaynst kynge Edwarde / toke the see & sayled into Fraūce to Lewys the Frenche kynge / where quene Margaret that tyme was / to whome the frenche kynge promysed helpe and ayde.* 1.3 And whan these lordes were thus departed into Fraunce / kynge Edwarde caused them to be proclaymed as traytours. And in this meane whyle a newe styrrynge began in the Northe con∣trey by the lorde Fitz hughe. wherfore kyng Edwarde sped hym thyderwarde (wherof herynge) the sayd lorde Fitz hughe departed into Scotlande.
* 1.4¶Also in the .x. yere of kynge Edwarde / the forsayd duke of Clarence with the erles of war∣wyke / of Penbroke / and Oxforde / and with many other gentylmen landed at Dertmouthe in Deuonshyre / and made proclamacyons in kynge Henryes name / where the cōmons of yt contrey drewe vnto them in great nombre. And than the Kentysshemen waxed wylde and came to Rat∣lyffe & saynt Kathernes nyghe Lōdon and robbed and spoyled the flemynges & dyd great hurt. And than the sayd lordes holdynge theyr way towardes kynge Edwarde / whiche than was in ye Northe contrey / and hauynge with hym but small strength / wherof some were nat to hym very trusty / toke a secret companye with him and passed ouer the wasshe in Lyncolneshyre with great daunger / & nat without losse of dyuers of his companye.* 1.5 And after passed ouer into Flaunders and came to Charles his brother in lawe / than duke of Burgon / and whan quene Elysabeth beynge in the Towre harde therof / she went into westmyster and there regystarde her selfe as a sentwary woman / & so dyd many of kynge Edwardes fryndes. Also these sayd lordes heryng of kynge Edwardes departynge / sped them vnto London / and the day of October / they toke kynge Henry out of the Towre and lodgyd hym in the bysshoppes Paleyse at Poules / and ••o he was than agayne admytted and proclaymed for kynge thorowe out the hole lande / & from the sayd day of October all wrytynges and recordes were made and ••ated thus.* 1.6 Anno ab inchoatione regni regis Henrici sexti / quadragesimo nono / et anno readoptionis su•• regn magestatis primo. That is to say / the yere from the begynnynge of the reyne of kynge Henry the .vi. the .xlix. and the fyrst yere of the readopcyon of his royall estate. Also in the begynnyng [ B]
[ F] [ F] [ T] [ T]