Page [unnumbered]
¶Here after ensueth the perfyte knowlege of the x. wittes / & in what place of the hede that they lay / that is to vnderstāde the v. interyall wittes / & the fyue wit¦tes cōmune as it stādeth in the figure of the hede.
MAnkynde is shapen & ordeyned to enheryt ye celestiall kyngdome / & to be a ruler of all erth¦ly thinges / & that none ertly thinge sholde rule him as bestis / serpentis / wormes / monsters / or suche lyke / for they bere their hed is downe to¦wardes the groūde / & desyre nothinge but erthly thīges / as mete / drinke and slepe. And mankynde bereth his hede vpright towardes the heuens kyng∣dome to thētente that he shold optayn the ryches & gyftes of grace that God hathe ordayned in him / whiche be his naturall wittes / & they be x. in nōber and first there be fyue intery al wittes as these. ¶Fantasye that layth before a hye in the hede. Imaginacion & laith before a lowe in the hede. Cogitacyon layth aboue in the myddes of the hede Estimacion layeth benethe in the mid¦des of ye hede: Memoria or remēbrās layth behynde in the hede. Euyn be¦fore in ye hede is a lytell place wherout issueth the fyue wittes cōmune as it is expresly sene ī the figure / and these be they. Seinge in the iyen / Smellinge in the nose / Tastinge in the tonge / He∣ringe in the eares / & Felinge ouer all the body.