Cap. xci.
PAuo / the pecocke is a very fayre byrde / and it hath a longe necke and hath on his hede feders lyke a ly∣tell crowne / he hathe a longe tayle the whyche he setteth on hye very rycheli but whan he loketh on hys lothly fete he lateth his tayle sinke
¶Se nyght whan the Pecocke can nat see hymselfe thā he cryeth erneful¦ly and thynketh that he hath lost hys beautye / and with his crye he feareth all serpentes / in suche maners yt they dare nat abyde in those places where as they here hym crye / and whan the pecocke clȳmeth hye that is a token of rayne. Whā the female is .iij. yere old than bryngeth she forth yonges / but of thentymes the cocke breketh the eg∣ges or she can hatche them / or brynge any of them vp / wherfore many one lay a couple of her egges vnder a hēne and she bryngeth them vp / fore there may nomore but .ij. egges be takē fro¦me the pee hēne / also the pecocke is en¦vious & wylle nat knowe hys yonges tyll that they haue ye crowne of feders vpon theyr hede and that they begyn¦ne to lyken hym.