¶The Operacion.
¶The stones of a Beuer hanged in a darke place & dryed / is gode for many medecines / & that is named Castoriū gode castoriū that is nat falsed hath a meruelous sharpe sauour & it is sene∣wed throughout / & it dureth in vertue vi. yere / but whan it is fresshe than is it best / and it must be pylled & the skīne cast awaye whan it shalbe occupyed / & it conforteth sore the senewed lȳmes. Castoriū with the iuste of rewe taken in drinke is good for the epulentis & o∣ther paines in the hede / for the rōning goute in all the partyes of ones body is the decoccion of costoriū gode tempe¦red with wyne / with rewe & sage. Ca∣storiū causeth the womens flode and ye chylde to issewe from the moder and ye secondina of the moder also. The gall of the Beuer is gode for many thīges The coagulum withdriueh the fallīg sekenes.