¶Of Capriolus. ca. xxx. [illustration]
CApriolus is in maner lyke a gote in the londe of ynde & thei ben so swifte of rōnynge that they can nat be taken / but somtyme it is shot & whan it is hurt than it eteth hertis pulegiū and heleth himselfe for therwith the a¦rowe falleth out agayne. ¶In ye moū¦taynes of ynde be gotes yt ete wel smel¦lynge erbis & aromatick spices & they haue lytel holes betwene their clawes wherī they gader a maer of moistnes & that ouer groweth wt a lytell skynne & than it becometh a maner of a byle / & so it rypeneth & than it itchet so sore yt he rubbeth it tyll it falleth of / & that is counted for muske & of great valure.