[illustration] Of the Catte ca. xxv.
THe catte is a beste yt seeth sharpe and she byteth sore / and scratcheth right perylously / & is principall enne¦mye to rattis & myce / & her colour is of nature graye / and the cause yt they be other wyse colowred that cōmethe through chaunge of mete as it is well marked by the house catte for they be selden colored lyke the wylde tatte. & their flesshe is bothe nesshe & sosfte
The Operacyon..
Auicēna saith. the bytinge of a a catte is to be holpen wt a plaster of sepe Rasi sayth the wylde catte ronneth a way from the smell of Rewe. Hali sa¦yeth. That cattes flesshe is warme and drye and warmeth the kydney & eseth the payne in the backe Esculapi¦us sayth. that cattes dyrt wt mostarde sede or sinapij and vynegre heleth alo¦piciam / that is the fallyng out of here
Cathapleta is lyke a lytell yong wylde catte / and hath a greate hede al way hangynge downe / & hath the sa¦me power that the basilist{us} hathe / for who so loketh on his iyen must nedys dye incōtinent / and they brede by the water of Tigris & is one of ye waters yt cometh from paradys terestre