To the extent possible under law, the Text Creation Partnership has waived all copyright and related or neighboring rights to this keyboarded and encoded edition of the work described above, according to the terms of the CC0 1.0 Public Domain Dedication (http://creativecommons.org/publicdomain/zero/1.0/). This waiver does not extend to any page images or other supplementary files associated with this work, which may be protected by copyright or other license restrictions. Please go to http://www.textcreationpartnership.org/ for more information.
THe oxce is a cōpanable beste & a¦monge his cōpani he is very me¦ke / & alwaye he seketh his felowe that was wont to go in the plowghe wyth hym / and whan he fyndeth nat his fe¦low / than cryeth he wyth a lowde voy¦ce makyng gret mone / as it were one yt wolde make a mourninge cōplaynt A bull lyueth .xv· yere. and a oxce .xx. yere ¶Isaac sayth that an oxce flessh
is the dryest flesshe amonge all other / & his blode is nat holsom to be eten for it wyll nat lightly disieste▪ & therfore it fedeth sore & it maketh euyll hūoures & bredeth melācoly / & they melancoli∣cus that eat moche suche metes be like to suffer many diseases as to gete an harde mylte / the febris quartayn the dropcy / mangines / lepry. &c̄. O{per}atio ¶The gal of an oxe with Nitro & Ethi¦molea mēgyd togeder & therwith the hede wasshed destroyeth the wormes in ye here. Diascorides saith / ye mylke of the kowe heleth the fresshe woūdes in the mouthe. The donge or dirt of ye oxe is gode to be layde vpon the stinge of a bee or waspe. The sepiū of an oxe wt gose grese & pith of Ochimi / heleth the cliftes in the lyps or on the mouth the mary of an oxe right legge before brayed & mengyd with his blode / de∣storyeth the euyl heres on the browes & we lyddes. The gall of an oxe with ye stale of a gote or bucke / heleth them yt here euyll. Powder of the oxe anclow brēt and rubbed on the tethe maketh thē fast that sholde fall out with payn The mylt of the oxe medled with hony is good for the mylt. Nota the mylke of a kowe is good for an impostumed mawe / the mangye or scabbed hādes shalbe heled with fresshe oxe blode / for that dryeth lightely / & the next daye it must be wasshed af with lye. The oxe gall ī a mānes eare with a silken cloth heleth the pypynge & rynginge in the eare / The oxe downge or dyrte layde vpon a rude impostume or byle / cau∣seth it to breke. Oxe downge brent to asshes & that blowen in the nose staū∣cheth the blode. Also thesame asshes tē∣pered with butt & made plasterwyse and so layde to the beh•• excedith many other medecynes for the dropsy. The lyuer of the oxe brēt to powder & that dronken wtale / bier / or wyne / is gode for the flixe or flode of the blode. The oxe bones brēt to asshes & that rubbed vpon the tethe that be weyke maketh them to stande fast.