¶Of the kynges hye wayes and stre∣tes. ca. vij. (Book 7)
MOliuncius kyng of Brytons was the .xxiij. of hem and the fyrst that gaf hem lawe. He ordeyned that plowmen folowes / goddes tem∣ples & hyghe wayes that leden men to Cytees & townes sholde haue the fre∣dom of socour / so that euery man that wente to ony of them for socour or for trespaas yt he hath doo sholde be sauf¦for poursute of all his enemyes. But after warde for the wayes were vncer∣tayne & stryf was had. Therfore Be∣linus the kyng yt was the forsayd Mo¦liuncius sone for to putte awaye all doubte & stryf / made foure hyghe kyn¦ges wayes preuyleged with all preuy∣lege & fredom. And the wayes stretche thrugh the ylonde. The fyrst & gretest of the foure wayes is called Fosse / and stretcheth out of the south in to y• north & begynneth from the corner of Cor∣newayle & passeth forth by Deuenshy¦te by Somersete & forth besydes Tet¦bury vpon Cottes wolde besyde Couen¦tre vnto Leycestre / & so forth by wylde playnes towarde Newerke & ended at Lyncoln. The seconde chyef kynges hyghe waye is named Watlyngstrete & stretcheth thwart ouer Fosse out of the southeest in to the northwest & be∣gynneth at Douer and passeth by the myddell of Kente ouer Temse besyde London by west Westmestre & so forth by saynt Albon in y• west syde by Don staple by Stratforde by Toweetre by Wedon by south Lylleborn by Athe∣ryston vnto Gilbertes hylle that now is called Wrekene & forth by Seuarne & passeth besydes Wrokcestre & then̄e forth to Stratton & so forth by y• myd¦dell of Wales vnto Cardykan & en∣deth atte Irysshe see. The thyrde waye is called Erynnugestrete & stretcheth out of the west northwest in to erst southeest / & begynneth in Men••uia y• is in Saynt Dauyds londe in weste