Euclides metaphysicus, sive, De principiis sapientiæ stoecheidea E. / Authore Thoma Anglo ex albiis east - saxonum.

Prop. XII.

Materia prima, secundum se con∣siderata, est tota in toto universo, & tota in singulis partibus seu corporibus: Sed quoad exerci∣tium potentiae seu effectum, est tota in toto Universo, sed divisa in partibus seu singulis corpo∣ribus.

a 1.1 CUm enim materia prima sit in toto Universo, & in singulis corporibus seu par∣tibus ipsius,b 1.2 sit autem ex pro∣priis indivisibilis & secundum continuitatem, & secundum formalem divisionem, constans est eam esse, ut consideratur in se, totam in toto, & totam in singulis partibus. Rursus, cùm sustineat plura corpora, putà omnia quae sunt in universo, sint A, B, C, & palàm est quòd

in A non sustineat nisi A, & in B, non nisi B, & sic in C; cla∣rum ita{que} est, vim sustentati∣vam, sive capacitatem vel po∣tentialitatem materiei, etsi qua∣si entitativè sit tota in A, non tamen quoad effectum & exer∣citium ipsius esse totum in A, sed esse divisum per A, B, & C, & in illis tribus adaequatè con∣tineri. Exercitium ita{que} & ef∣fecta indivisibilis materiei sunt divisa & plura, & tota non nisi in omnibus partibus collectivè, in singulis verò una pars. Ex∣ercitium ita{que} est totum in to∣to, sed non totum in singulis partibus.

Notes

• a 1.1

  Prop. 11.
• b 1.2

  Prop. 5. & 7.