Page 3
CAP II,
1
IPse sum campi rosa, liliúmque
2
Vallis; En! inter reliquas sorores,
Lilium spinas velut inter atras,
Chara refulges.
3
Arbores inter velut alta malus,
Sic meus charus micat inter omnes
Filios; ejus placida sub umbra
Tuta resedi.
4
Illius fructus mihi dulcis; Ille
Duxit ad festum me, & amoena vini;
Méque vexillo intereà pudici
Texit Amoris.
5
Fulciar malis, recreer lagenis:
Languidum multo mihi cor amore.
6
Laeva subsidit capiti meo, com∣plexáque
dextra est.
7
Oro vos, Nymphae, soboles Sionis,
Capreas & per, per & hinnulos, nè
Corculum somno priùs excitetis,
Quàm lubet ipsi.
8
Vox mei chari, super (ecce!) montes
Et super colles saliente gressu
Advolat charus mihi per salebras,
Et juga summa.
9
Capreaeque instar celer hinnulíque;
Ecce pòst murum latet ille nostrum,
Pérquè cancellos micat, è fenestra
Prospicit alté.
10
Tum meus charus mihi, Surge, dixit,
Et veni, dilecta, columba, pulchra,
Solvitur brumae rigor, & nivalis
Transiit imber.