Ecclesiastes Solomonis Auctore Joan. Viviano. Canticum Solomonis: nec non Epigrammata sacra, per Ja. Duportum. Accedunt Georgii Herberti Musæ responsoriæ ad Andreæ Melvini Anti-tami-cami-categoriam.
About this Item
- Title
- Ecclesiastes Solomonis Auctore Joan. Viviano. Canticum Solomonis: nec non Epigrammata sacra, per Ja. Duportum. Accedunt Georgii Herberti Musæ responsoriæ ad Andreæ Melvini Anti-tami-cami-categoriam.
- Author
- Vivianus, Joannes, d. 1598.
- Publication
- Cantabrigiae :: ex officina Johannis Field, celeberrimæ Academiæ typographi. Prostant venales apud Robertum Nicholson bibliopolam,
- Anno Domini. 1662.
- Rights/Permissions
-
To the extent possible under law, the Text Creation Partnership has waived all copyright and related or neighboring rights to this keyboarded and encoded edition of the work described above, according to the terms of the CC0 1.0 Public Domain Dedication (http://creativecommons.org/publicdomain/zero/1.0/). This waiver does not extend to any page images or other supplementary files associated with this work, which may be protected by copyright or other license restrictions. Please go to http://www.textcreationpartnership.org/ for more information.
- Subject terms
- Melville, Andrew, 1545-1622 -- Early works to 1800.
- Bible. -- O.T. -- Ecclesiastes -- Paraphrases, Latin.
- Link to this Item
-
http://name.umdl.umich.edu/A65140.0001.001
- Cite this Item
-
"Ecclesiastes Solomonis Auctore Joan. Viviano. Canticum Solomonis: nec non Epigrammata sacra, per Ja. Duportum. Accedunt Georgii Herberti Musæ responsoriæ ad Andreæ Melvini Anti-tami-cami-categoriam." In the digital collection Early English Books Online. https://name.umdl.umich.edu/A65140.0001.001. University of Michigan Library Digital Collections. Accessed June 1, 2024.
Pages
Page 35
Vides ut aris jam redeat nitor,
Tollátque sacrum Relligio caput,
Nec ampliùs jam Templa fiant
Aequa solo, stabula aut equorum.
Vides ut Urbi jam redeat pudor,
Intaminato et foedere castitas
Mentis bonae custos, sorórque
Simplicitas, probitás{que} morum.
Vides ut Almae jam redeat decus
Utrique Matri, et lux Academiis,
Et floreant Artes fugatâ
Barbarie, vigeántque Musae.
Haec, haec recepti pignora Caroli,
Haec dona Divûm, cùm reducem darent
Anglis Monarcham, haec cuncta nobis
Reddita cum redeunte Rege.
Inaugurati haec munera Caesaris,
Haec spargit in nos missilia undique
Augustus, hae sunt ecce gemmae,
Queis Caroli diadema fulget.
Grates quis unquam solvere debitas?
Quis vota coelo? quis meritas preces?
Quis tura templo digna possit
Pro Carolo, et cumulo hoc bonorum?
Quae agnosce tandem grata Britannia,
Felix nimis, si grata Britannia,
Si hâc sorte nôtis, et Deorum
Muneribus sapienter uti.
Post tot procellas fortiter occupa
Portum, ac abhorre fluctibus â novis:
Neptuni opem frustrá invocabis,
Naufragium semel antè passa.
Purâ nec unquam mente pias preces
Parcas supremo fundere Numini,
Aeternùm ut, Anglis quae benignè
Contulerit, sua dona servet.
Page 36
Illud cavebis, si sapis, unicé,
Nè rursus, arte hâc jam bene sublitam,
Fanaticus te ludat error,
Aut pietas simulata fallat.
Lex, jus, et aequum, pax, amor, et fides
Nunquam exules sint, jam reduces semel:
Nefas at omne, et fraus ava••a,
Sacrilegúsque furor facessat,
Edáxque livor, perfidia, et scelus,
Rapina, luxus, fastus et insolens;
Nè nuperae clades recurrant,
Et Chaos, Ilias et malorum.
Quin ergò VIVAT REX, Carolus, Pius,
(Haec una vox, haec vota epidemica)
Nec Anglicanae unquam Coronae
Regia stirps Carolina desit.
Vota haec, Britanne, ut sint rata coelitús,
Memento sacris ritè anathematis
Ornare pulvinar Deorum, et
Templa novo decorare saxo.