In obitum HENRICI Ducis Glocestriae, qui eodem anno quo ipsius Frater Rex CAROLUS II in Angliam rediit, fatis concessit, Epicedium.
SIc tessellato fruitur fortuna triumpho,
Et vario rotat orbe vices; modò candida currunt
Ecclesiastes Solomonis Auctore Joan. Viviano. Canticum Solomonis: nec non Epigrammata sacra, per Ja. Duportum. Accedunt Georgii Herberti Musæ responsoriæ ad Andreæ Melvini Anti-tami-cami-categoriam.
About this Item
- Title
- Ecclesiastes Solomonis Auctore Joan. Viviano. Canticum Solomonis: nec non Epigrammata sacra, per Ja. Duportum. Accedunt Georgii Herberti Musæ responsoriæ ad Andreæ Melvini Anti-tami-cami-categoriam.
- Author
- Vivianus, Joannes, d. 1598.
- Publication
- Cantabrigiae :: ex officina Johannis Field, celeberrimæ Academiæ typographi. Prostant venales apud Robertum Nicholson bibliopolam,
- Anno Domini. 1662.
- Rights/Permissions
-
To the extent possible under law, the Text Creation Partnership has waived all copyright and related or neighboring rights to this keyboarded and encoded edition of the work described above, according to the terms of the CC0 1.0 Public Domain Dedication (http://creativecommons.org/publicdomain/zero/1.0/). This waiver does not extend to any page images or other supplementary files associated with this work, which may be protected by copyright or other license restrictions. Please go to http://www.textcreationpartnership.org/ for more information.
- Subject terms
- Melville, Andrew, 1545-1622 -- Early works to 1800.
- Bible. -- O.T. -- Ecclesiastes -- Paraphrases, Latin.
- Link to this Item
-
http://name.umdl.umich.edu/A65140.0001.001
- Cite this Item
-
"Ecclesiastes Solomonis Auctore Joan. Viviano. Canticum Solomonis: nec non Epigrammata sacra, per Ja. Duportum. Accedunt Georgii Herberti Musæ responsoriæ ad Andreæ Melvini Anti-tami-cami-categoriam." In the digital collection Early English Books Online. https://name.umdl.umich.edu/A65140.0001.001. University of Michigan Library Digital Collections. Accessed June 15, 2024.
Pages
Page 31
Tempora, mox atro veniunt signanda lapillo.
Nil stabile & fixum; succedunt funera festis,
Excipiúntque hilares Epicedia moesta choreas.
O quantos plausus, & jubila quanta tulisti,
Magne triumphali rediens cùm Carole curru
Captivos duxisti animos, & corda tuorum!
Quàm subitò inversis plorat nunc Anglia fatis,
Induitúrque atras (heu I falso nomine) vestes
Albion, & resonant lugubri compita lessu!
Carolus, Henricus, dolor hinc, par inde voluptas:
In duo distrahimur. Concedas, Carole, fratri
Tantisper; liceátqué recentem plangere cladem.
Te quanquam salvo, chari dum Principis umbrae
Mittimus inferias, tumulo & libamus honores.
O Henrice, decus Britonum, dulcissime rerum,
Deliciae populi, sec'li spes magna futuri,
Terribils dextrâ, formâ peramabilis Heros;
Flos, Henrice, Ducum, & patriae virtutis imago,
Flos, Henrice, Ducum, Dux florentísque juventae:
Flos peramoene virûm, Florū & plucherrime Princeps,
In te nempe uno, veris formosa propago,
Lilia mixta rosis, simul ore, & stemmate certant.
Henrice, ô lumen gentis columénque Britannae,
Grande tuis, gratúmque Anglis (tot sidera testor,
Tot Reges, Patruúmque tuum) per secula nomen!
O dolor atque decus, Princeps charissime, nostrum,
O dilecte Deo, nondum sed deb••te coelo,
Quò fugis? ah! miseros & nos, terrásque relinquis?
Víxque salutatos, heu! tam citò deseris Anglos?
Ostendent nobis te tantùm fata, neque ultrà
Esse sinent, reducem tam nuper, inhospita fata?
O nimiùm surda ad nostras Libitina querelas!
O Parcae immites, & nescia carmine flecti
Fatorum series, & ineluctabilis ordo,
Et fixae astrorum leges & dura potestas!
Parcite vos Superi, si vestra palatia pulsat
Page 32
Musa audax, vanóque lacessimus aethera planctu.
Scilicet obruimur; rapit inclementia Lethi
Attonitos, proni ferimur torrente malorum;
Non unis agimur furiis, nec simplice damno
Liquimur in lachrymas, densatur funere funus.
Nec de plebe hominum; vulgaria fercula temnit
Mors bona, Regali pascuntur sanguine Manes.
Nos animae viles (quid adhuc sub luce moramur?)
Carpimur heu sensim, & repetitâ clade perimus.
Vix animam trahit infelix en Anglia mater,
Deliciis orbata suis, penitúsque fatiscit
Aegra nimis, tot foeta malis, & pondere luctûs
Pressa gravi; nec ferret onus, nisi Carolus esset,
Sítque, precor, longùm longùm post talia fata▪ superstes;
(Curriculum vitae, ceu versus hypermeter esto)
Fratribus & demptos huic addat justior annos
Parca, brevésque colos producto stamine penset.