Publii Terentii Carthaginiensis Afris poëtae lepidissimi comoediae sex Anglo-Latinae in usum ludi-discipulorum, quo Feliciùs venustatem linguae Latinae ad sermonem quotidianum exercendum assequantur / a Carolo Hoole ... = Six comedies of that excellent poet Publius Terentius, an African of Carthage, in English and Latine : for the use of young scholars, that they may the more readily attain the purity of the Latine tongue for common discourse / by Charles Hoole ...

Act IV. Scen. 7.

Thraso, Gnatho, Sanga, Chremes, Thais.

Thr.

HAnccine ego ut contumeliam tam insignem in me acci∣piam, Gnatho? Mori me satius est. Simalio, Dorax, Syrisce, Sequimini. Primùm aedes expugnabo.

G.

Rectè.

Thr.

Virginem eripiam.

G.

Probè.

Thr.

Malè mulctabo ipsam.

G.

[line 5] Pulchrè!

Thr.

In medium huc agmen cum vecti Dorax; Tu, Simalio, in sinistrum cornu; tu, Syrisce, in dexterum. Cedo alios. Ubi centurio est Sanga, & manipulus furum?

S.

Eccum

Adest.

Thr.

Quid, ignave, peniculon' pugnare, qui Istum huc portas, cogitas?

Sang.

Egóne? imperatoris [line 10] Virtutem noveram, & vim militum, fine sanguine Hoc non posse fieri, qui abstergerem vulnera.

Thr.

Ubi alii?

Sang.

Qui malum alii? solus Sanniò servat Domum.

Thr.

Tu hosce instrue hîc. Ego verò post Principia, inde omnibus signum dabo.

Gn.

Illuc est sapere: [line 15] Ut hosce instruxit, ipsi sibi cavit loco.

Thr.

Idem hoc Jam Pyrrhus factitavit.

Ch.

Viden' tu, Thais, Quam hic remagit? nimirum concilium illud rectum est De occludendis aedibus.

Th.

Sanè, quod tibi nunc vir videatur Esse, hic nebulo magnus est, ne metuas.

Thr.

Quid videtur?

Gn.

[line 20] Fundam tibi nunc nimis vellem dari, ut tu illos procul hinc Ex occulto caederes; facerent fugam.

Thr.

Sed eccam Thaidem Ipsam video.

Gn.

Quàm mox irruimus?

Thr.

Mane. Omnia Prius experi••i verbis quàm armis sapientem decet. Quî scis, an Quae jubeam sine vi faciat?

Gn.

Dii vestram fidem! quanti est [line 25] Sapere! nunquam accedo, quin abs te fiam doctior.

Thr.

Thais, primùm hoc mihi responde, cùm tibi do istam virginem, Dixtin', hos dies mihi soli dare te?

Th.

Quid tum postea?

Thr.

Rogitas? quae mihi ante oculos tuos coràm amatorem addux∣isti tuum?

Th.

Quid cum illo agas?

Thr.

Et cum eo clà n te subduxisti mihi.

Th.

[line 30] Libuit.

Thr.

Pamphilam ergo huc redde, nisi vi mavis

Eripi.

Ch.

Tibi illam reddat, aut tu eam tangas, omnium?

Gn.

Ah, quid agis? tace. Quid tu tibi vis?

Thr.

Ego non tangam Meam?

Ch.

Tuam autem, furcifer?

Gn.

Cave sis, Nescis cui Maledicas nunc viro.

Ch.

Num tu hinc abis? Scin' tu ut [line 35] Tibi res se habeat? Si quicquam hodie hîc turbae feceris, Faciam ut hujus loci, dieique, mei{que} semper memineris.

Gn.

Miseret tui me, qui hunc tantum hominem facias inimicum Tibi.

Ch.

Diminuam ego caput tuum hodie, nisi abis.

Gn.

Ain' vero canis? siccine agis?

Thr.

Quis tu homo es? [line 40] Quid tibi vis? quid cum illâ rei tibi est?

Ch.

Scibis. Principiò, eam esse dico liberam.

Thr.

Hem!

Ch.

Civem Atticam.

Thr.

Hui!

Ch.

Meam sororem.

Thr.

Os durum.

Ch.

Miles, Nunc adeò edico tibi, ne vim facias ullam in illam. Ego co Ad Sophronam nutricem, ut eam adducam, & signa ostendam [line 45] Haec.

Thr.

Tun' me prohibeas meam ne tangam?

Ch.

Prohibe••, Inquam.

Gn.

Audin' tu? hic furti se alligat, Satin' hoc tibi est?

Thr.

Idem tu hoc ais, Thais?

Th.

Quaere, Qui respondeat.

Thr.

Quid nunc agimus?

Gn.

Quin redeamus? jam haec Tibi aderit supplcans ultro.

Thr.

Credin'?

Gn.

Immo [line 50] Certè, novi ingenium mulierum. Nolunt ubi velis; ubi nolis, Cupiunt ultro.

Thr.

Bene putas.

Gn.

Jam dimitto exercitum.

Thr.

Ubi vis.

Gn.

Sanga, ut fortes decet milites, domi foci{que} Fac vicissim ut memineris.

Sang.

Jamdudum animus est In patinis,

Gn.

Frugi es.

Sang.

Vos me hac sequimini.