Extinguishment.
EXtinguishment est, lou un Sn̄r ou asc' aut' ad ascun Rent ou Service issuāt dascū Terr̄, & il p̄chase m̄ le Terr̄, issint q̄ il ad tiel Estate en le Terr̄ cōe il avoit ē le Rent; donques le Rent est extinct, p̄ ceo que un ne poit aver Rent issuant hors đ son Terr̄ de∣mesn̄. Auxy qn̄t ascun Rent seera extinct, il covient q̄ le Terr̄ & le Rent sont en un main̄, & auxy q̄ l'Estate q̄ il ad ne soit defeasible, & auxy q̄ il ayt auxi bon̄ Estate en le Terr̄ com̄ en le Rent; car sil ad Estate ē le Terr̄ forsque p̄ vie ou pur ans, & ad un Fee∣simple en le Rent, donques le Rent nest extinct, mes est en suspence pur cel tēps, & apres le terme le Rent est revive.
Si soit Sn̄r, Mesne, & Te∣nant, & le Seignior purchase le Tenancie, l' Mesnaltie est extinct; mes le Mesne ave∣ra le surplusage del Rent, si ascun soit, come Rent secke; Auxy si home ad Chimin ap∣pendant, & puis purchase le Terre en que le Chimin est, donques le Chimin est extinct; & issint est de un Common appendant.