To the extent possible under law, the Text Creation Partnership has waived all copyright and related or neighboring rights to this keyboarded and encoded edition of the work described above, according to the terms of the CC0 1.0 Public Domain Dedication (http://creativecommons.org/publicdomain/zero/1.0/). This waiver does not extend to any page images or other supplementary files associated with this work, which may be protected by copyright or other license restrictions. Please go to http://www.textcreationpartnership.org/ for more information.
Haec Inscriptio exarata est in magno Lapide quadratae formae nuper è terra effosso in Villa vocatâ Ueerhurst, circa milliaris spatium à Tewksburia in
Comitatu Glocesteriae, dissitâ, in domo Abbatis Aula vocata, quam cum ad∣juncto Manerio à Decano & capitulo Westmonasteriensi tenet Johannes Powel Armiger Hospitii Templi interioris Barristarius, & Jurisconsultus Doctissimus. Idem Lapis jam videndus est in Aedibus ejusdem Dni Powel, quas Glocestriae habet, inde huc Oxoniam intra paucos dies est transferen∣dus ab illo eximio viro ex ingenti benevolentia ejus erga locum bonis studiis consecratum Academiae dono datus.
Edwardus Rex, quo regnante hic Lapis exaratus fuit, erat Edwardus Con∣fessor. Odda, qui Regiam Aulam construi, & in honorem Sacrosanctae Trinitatis dedicari jussit, videtur ille Odda fuisse, qui Cartae, quâ Edwardus Confessor Episcopatum Cornubiensem Episcopatui Exoniensi conjungebat, nomen suum subscripsit. Vide Monasticon Anglicanum pag. 230. In eodem Monastico Anglicano pag. 154. mentio fit cujusdam Ducis Oddonis, qui A. D. 715. Monasterium Teukesburiae in honorem Dei ac gloriosae Virginis Mariae aedificari jussit. Cum locus, in quo hic Lapis inventus fuerit, Teukes∣buriae tam vicinus sit, Hunc Oddonem eum fuisse crederem, de quo hic agitur, si non temporis ratio omnino prohibuisset. Annus enim à Christo nato age∣batur millesimus quadragesimus quintus cum Edwardus Confessor in An∣glia primo inceperit regnare. In adversariis Lelandi Vol. 5. mentio est Oddae Comitis filii Elferi, qui restituit praedia Monachis Persorensibus, quae prius Elferus abstulerat. Ealdredum in nullo Episcoporum Angliae Catalogo in∣venio, sed in Carta Edwardi Confessoris de restauratione Coenobii Westmo∣nasteriensis, quae extat in Monastico Anglicano, pag. 60. Ealdredi Episcopi, qui ab eo Rege ad Papam Legatus mittebatur ad obtinendam absolutionem à voto, quod ille temere susceperat, mentionem fieri invenies, quem eum fu∣isse, cujus in hoc Lapide nomen est, suadet temporum convenientia. Exa∣ratus enim erat hic Lapis anno 14 Edwardi Confessoris, cujus hic Ealdredus Legatus fuit. Annus 14 hujus Regis erat annus Christi 1058. Elapsi igitur annu sunt 618, à quo Odda dux hunc Lapidem in Monumentum pietatis suae ponebat.