Marmora Oxoniensia ex Arundellianis, Seldenianis, aliisque conflata recensuit & perpetuo commentario explicavit Humphridus Prideaux ... ; appositis ad eorum nonnulla Seldeni & Lydiati annotationibus accessit Sertorii Ursati Patavini De notis Romanorum commentarius.

Notae ad Marmor CXLVII.

Hic Lapis è Londini ruinis post magnum illius conflagrationem, A. D. 1666. prope Portam Luddanam erutum erat, indeque impensis Reverendissimi Do∣mini Archiepiscopi Cantuariensis huc translatum. Monumentum Sepulchrale fuit in memoriam Vivii Marciani Legati per Britanniam Hadriani Augusti ab uxore illius Januaria Marina secundâ post Christum natum centuriâ posi∣tum. Vocis Legati multiplex est significatio; Legati enim dicebantur, vel qui Ducibus ad bella profectis dati erant conciliarii▪ de quibus lege Lipsium, lib. 2. Dial. 11. vel qui Populi aut Senatus Nuncii erant, & sic Legatus fuit Den∣tatus Siccius, qui Decemvirorum dolo occidebatur, aliique plures in Hi∣storia Romana; vel qui ab Imperatoribus missi Provincias eorum vice admi∣nistrabant, quâ significatione tunc primo, cum Triumviri Pompeius, Caesar, & Crassus, & post eos Octavius, Antonius, & Lepidus Imperium Romanum inter se partiti sint, vox maxime nota esse inceperat; cum enim tum singuli eorum multas Provincias sortiti essent, quarum omnium regimini non pote∣rant vacare, eas per Vicarios administrabant, quos Legatos vocabant, & sic Afranius, & Petreius Pompeii; & Q. Fabius, & Q. Pedius Caesaris in Hispania; & sic Ventidius Antonii in Syria Legati fuere. Maxime autem in hac signifi∣catione vox usurpata fuit, postquam Octavius Caesar victo Antonio totius Imperii Princeps Senatus decreto constituebatur; ab eo enim tempore qui∣cunque ab Imperatoribus in Provincias ad eas regendas emittebantur, Legati appellati fuere; Octavius enim Principatum adeptus non omnes Imperii Pro∣vincias, sed tantum remotiores, quae bello & barbarorum incursionibus ma∣gis expositae fuere, sibi sumebat regendas; ceteras Magistratus populi Roma∣ni Consules, & Praetores Magistratu functi sortiebantur more, qui stante Republica observabatur; atque ideo hae Populi, illae Imperatoris Provinciae dicebantur; utraeque erant vel Consulares, vel Praetoriae; Consulares erant, qui jure Consulari; Praetoriae, qui jure Praetorio regebantur; qui in Praeto∣rias provincias populi mittebantur, Praetores, qui in Consulares Proconsu∣les; qui vero in Principis sive Praetorias, sive Consulares omnes Legati dice∣bantur, cum hac tamen differentiâ, quod qui Provincias Praetorias pro Im∣peratoribus regebant, Legati Praetorii, & Legati Caesaris seu Augusti pro Praetore; qui Consulares, Legati Consulares dicebantur. Legati Consula∣res frequenter simpliciter Consulares, & Legati Praetorii simpliciter Legati vocantur; cum igitur Vivius Marcianus hic simpliciter Legatus dicatur, in∣telligendum est illum Britanniae Legatum Praetorium fuisse, Praetorioque jure toti Insulae vice Imperatoris Adriani, cujus Legatus erat, praesidisse. Bri∣tanniam autem administratam fuisse ab Augusti Propraetore ex autoribus con∣stat, & apud Gruterum, si indicem illius quintum Consulas, uti aliarum Pro∣vinciarum saepius, sic Britanniae Legati Praetorii bis mentionem fieri invenies. Quis autem fuerat hic Marcianus, qui Imperante Adriano hic in Britannia Imperium gesserat, cum illius nomen in nulla historia inveniam, non possum indicare. De his Legatis plura legas in notis Salmasii ad Adrianum Spartiani, p. 34. & pag. 198, 199. ad Antoninum Capitolini pag. 344. & 375. & ad Tri∣ginta Tyrannos Trebellii Pollionis, pag. 346. & ad Probum Flavii Vopisci, pag. 660. edit. Hackianae, & apud Spanhemium in egregio illius libro de Praestantia Numismatum antiquorum Dissert. 6. pag. 559, & 560. aliosque.