Marmora Oxoniensia ex Arundellianis, Seldenianis, aliisque conflata recensuit & perpetuo commentario explicavit Humphridus Prideaux ... ; appositis ad eorum nonnulla Seldeni & Lydiati annotationibus accessit Sertorii Ursati Patavini De notis Romanorum commentarius.

Epoch. 52. A. M. C. 3524. ante Evang. 509. Periodi 6. 564.

A quo Xerxes navigiorum pontem junxit in Hellesponto, & — in Thermopylis pugna commissa est, & navale praelium circa Sa∣laminem, à Graecis contra Persas, quo vicerunt Graeci, anni CCXVII, Archonte Athenis Calliade.

A quo Xerxes Hellespontum ponte è navibus compacto stravit, & à Graecis praelium commissum est in Thermopylis contra Persas, & navale ad Salami∣nem, quo victoriam obtinuerunt Graeci; Chronico Marmoreo statuuntur anni 217 ante citimam Epocham, qui sunt 509 ante Evang. Archonte Athe∣nis Calliade. Is annus est quartus Olympiadis 74; quo, item in Eusebiano Chronico, Xerxes tum pontem in Hellespontiaco mari fecit, tum Athenas venit, urbemque incendit, sub Principe Calliâ, juxta editionem Pontaci: simul in notis agnoscentis, praecipua manuscripta transcriptaque una cum vul∣gatis editionibus, in eundem annum 4 Olympiadis 74 consentire. Quinetiam in Scaligerana editione quanquam nulla habetur mentio pontis in Hellespon∣to facti, nihilominus eodem anno, Xerxes quum Athenas venisset incendit urbem, sub Principe Calliâ: ipso quoque Scaligero in Annotationibus fa∣tente, quantumlibet improbante, tum prioris sive antiquioris exempli codi∣ces cum spatio Historico, tum posterioris, sine eo, tum denique editos; hoc gestum comparare cum anno quarto Olympiadis 74: his autem subjiciente, quum tamen palam sit, anno primo sequentis Olympiadis hoc contigisse. At vero quomodo palam? quandoquidem praeter Eclipsim solis Herodoteam vin∣dicantem Xerxis transitum Sardibus per Hellespontum Thermopylas, eidem veri: Thucydides etiam in prooemio Historiae, reditum Xerxis è Graecia, post navalem cladem acceptam ad Salaminem, statuat anno quinquagesimo ante initium belli Peloponesiaci, suscepti vere desinentis anni primi Olympiadis 87: nimirum exactis inter utrumque annis quadraginta novem & dimidio. Concludit enim digeriem rerum ab Atheniensibus interea gestarum, his verbis, 〈 in non-Latin alphabet 〉〈 in non-Latin alphabet 〉. Haec omnia gesta sunt in annis summum quinquaginta, inter Xerxis retrocessum, ac initium hujusce belli. Idem autem annuus Princeps Atheniensis sive Archon, ab aliis Graecorum Histori∣cis nominatur Callias, ab aliis Calliades; sicut insequentis anni, ab aliis Xan∣thippus, ab aliis Xanthippides; imo vero subinde ab iisdem: ut à Laertio i∣dem, in vita Socratis, 〈…〉〈…〉 vita Anaxagorae, Callias: cujus nimirum ratio videtur, quod iidem 〈◊〉〈◊〉 filii aut nepotes patrum, aut avorum proa∣vorumve celebrium iisdem no••••nibus.