Marmora Oxoniensia ex Arundellianis, Seldenianis, aliisque conflata recensuit & perpetuo commentario explicavit Humphridus Prideaux ... ; appositis ad eorum nonnulla Seldeni & Lydiati annotationibus accessit Sertorii Ursati Patavini De notis Romanorum commentarius.

Epoch. 72. A. M. C. 3632. ante Evang. 401. Period. 7. 80.

A quo Astydamas Athenis vicit, anni CIX. Archonte Athenis A∣steio. Exarsit autem tunc [cometa].

A quo Astydamas Athenis vicit, Chronico Marmoreo ponuntur anni 109, qui fuerint 411 ante Evang. Archonte Athenis Asteio. Quod autem Diodo∣rus, lib. 14. annis 26 antea eundem Poetam Tragicum vicisse refert: ea nimi∣rum fuerit prima ejus victoria; haec forte postrema, aut alias celeberrima.

Eâdem vero Epochâ innuitur arsisse tunc etiam Cometam. Atque hic Co∣meta videtur ille ingens, quem in Achaiâ conspectum se puero, significat A∣ristoteles, Meteorolog. lib. 1. cap. 6. Archonte eodem per errorem dicto A∣ristaeo. Et de quo Diodorus Siculus, lib. 15. Archonte Alcisthene proxime insequente, sub tempus datae occasionis praelii inter Thebanos & Lacedaemo∣nios ad Leuctra, quo Lacedaemonii amiserunt Principatum Graeciae, scribit in haec verba, 〈 in non-Latin alphabet 〉〈 in non-Latin alphabet 〉

〈 in non-Latin alphabet 〉〈 in non-Latin alphabet 〉. Quum Lacedaemonii plus minus quingentis annis, Graeciae Imperio sive Prin∣cipatu potiti essent, Divinum Numen praesignificavit illis Dominatûs jactu∣ram. Conspecta enim est Coelo ad multas noctes, magna fax ardens, à figura dicta ignea trabs. Ubi non videtur contradicere Diodorus, quin fax illa con∣specta sit praecedente Archonte Asteio; quo Helicen & Buram terrae motu absorptas mari, retulit: licet mentionem ejus distulerit ad prooemium sive narrandam occasionem pugnae Leuctricae. Quâ de perinde nostra Chrono∣logica Inscriptio, insequente Epochâ.