Marmora Oxoniensia ex Arundellianis, Seldenianis, aliisque conflata recensuit & perpetuo commentario explicavit Humphridus Prideaux ... ; appositis ad eorum nonnulla Seldeni & Lydiati annotationibus accessit Sertorii Ursati Patavini De notis Romanorum commentarius.

Epoch. 48. A. M. C. 3510. ante Evang. 523. Period. 6. 550.

A quo—Hippias—Athenis, anni CCXXXI: Archonte Athenis Py∣thocrito.

Quod in mutilis Marmoribus deinceps de Hippiâ videtur innui Archonte A∣thenis Pythocrito, annis 231 ante citimam Epocham, 523 ante Evang. qua∣driennio ante Marathonium praelium; forte spectat ad priorem expeditionem Medicam, quâ Darius Hystaspides misit Mardonium ducem, tunc juvenem, cui paulo ante in uxorem dederat filiam suam Artozostram, quemadmodum re∣fert Herodotus lib. 6. cum classe 300 navium, quae naufragio pessundata est ad montem Athon, & praeterea exercitu pedestri, quo subjugavit reliquos Ma∣cedones, qui antea non submiserant se Imperio Persico, atque etiam Thraces dictos Brygas: in qua priore expeditione, quâ reipsâ plus actum est, quam posteriore Marathoniâ, aeque verisimile est Hippiam fuisse, ac in posteriori: ac praesertim in legatione circa idem tempus à Dario missâ ad poscendum Grae∣cos aquam & ignem in signum subjectionis: cui multi Graecorum populi pa∣ruerunt, praecipue vero Aeginates, tunc temporis ex omnibus Graecis mari plu∣rimum potentes, & Atheniensium aemulorum suorum contra ipsos propterea exclamantium, infesti inimici: à quo demum verisimilius, quam ab Hippiâ persuasi? Cujus occasione recruduerunt inimicitiae inter duos Lacedaemonio∣rum Reges, Cleomenem & Demaratum; Demaratusque regno abdicatus, haud ita multo post, ad Darium utique fugit. Ne cui autem hoc minus fiat verisimile, quia Thucydides nullius reditûs Hippiae in Graeciam meminit, ante praelium Marathonium: etiam ante hoc tempus, circa initium rebellionis A∣ristagorae Milesii, Hippiam à Cleomene & Lacedaemoniis revocatum, volen∣tibus eum reducere Athenas in pristinum dominatum: quod ne fieret, longâ & vehemente oratione, â Sosicle Corinthiorum legato dissuasum esse, fuse nar∣rat Herodotus, lib. 5. Thucydides igitur postremi tantummodo reditûs Hippiae meminit; quo in Atticam, atque ipsarum Athenarum conspectum venit, summaque spe recuperandi dominatus decidit: & siquidem non in ipsa pu∣gna Marathonia, quod à nonnullis traditum, occubuit; at paulo post, senio pariter ac moerore perinde ac Darius ipse, juxta Marmoream nimirum & no∣stram Chronologiam, contabuit. Quicquid vero id est, quod de Hippia innuunt mutila Marmora hoc anno ut dictum est 231 ante citimam Epocham, ac 523 ante Evang. Archonte Athenis Pythocrito: dimovet certe eodem anno, nempe secundo Olympiadis 71, Philippum Archontem, Caroli Sigonii ut puto, & aliorum recentiorum Fastis Atticis ei assignatum: cui proinde alius à nobis infra locus assignabitur, post octennium, videlicet duas integras Olym∣piades, anno eodem secundo Olympiadis 73.

Jam vero antequam finem imponamus huic disquisitioni, opportunum vide∣tur

ut ostendere conemur, ubi demum statuendus sit terminus discriminis il∣lius solennis annorum 26 inter Chronicon Marmoreum & Eusebianum, in situ Regum Atheniensium, iisque succedentium Archontum ad terminum vitae▪ Apparet autem terminum ejusmodi esse statuendum inter Diognetum, sive Di∣oginetum, & Aeschylum. Quod siqua fides particularibus regum annis rela∣tis in Excerptis barbaro-latinis, reposito Thersippo in locum suum inter Ar∣chippum & Phorbantem, unde Interpretis nec Graecae linguae gnari nec Latinae, vel imperitiâ, vel negligentiâ videtur excidisse in dorsum Aeschyli penultimi Archontis perpetui, sive ad finem vitae: quum tres proxime praecedentes Ar∣chontes, Ariphron, Thespieus, & Agamestor habeant apud Eusebium annos o∣mnino 67, in excerptis vero 96: deductis huic excerptorum summae, & qui∣dem medii Thespiei magistratui tribus, conciliatio facta fuerit. Igitur si pla∣cet, tantisper donec aliquid certius aut melius ex historiis probatioribus de∣prehensum fuerit, accommodentur Ariphroni, pro Eusebianis annis 20, Ex∣cerptorum anni 30, Thespieo autem pro Eusebianis 27, Excerptorum 40 mi∣nus 3, tredequadraginta inquam 37 pro 27, atque Agamestori pro Eusebia∣nis 20, Excerptorum anni 26: ita tres illi Archontes Aeschylum proxime an∣tecedentes, habuerint simul 92 annos, viz. 26 quos requirit calculus Marmo∣reus plures quam permittit Eusebianus. Vicissim vero annus postremus, nempe vicesimus tertius, minuendus videtur Aeschylo, ut primus Archon annuus conveniat initio Olympiadis 24, itaque situs Regum & perpetuorum Archon∣tum Atheniensium conveniens Chronico Marmoreo, in annis Epochae Euse∣bianae ante Evangelii principium, & à mundi conditu juxta nostram Chrono∣logiam, per quos periodo octodesexcentenariae accommodari possunt, fuerit ta∣lis, qualem in subjecta Tabula exposuimus.

Anni Mundi conditi, & ante Evangelium, quibus singuli Reges & Ar∣chontes Atheniensium inceperint, juxta Marmoreum Chronicon.

Reges Athen.	Anni M. C.	Anni ante Evang.	Anni Regū
1. Cecrops.	2423.	1610.	50.
2. Cranaus.	2473.	1560.	9.
3. Amphyction.	2482.	1551.	10.
4. Erichthonius.	2492.	1541.	50.
5. Pandion.	2542.	1491.	40.
6. Erichtheus.	2582.	1451.	50.
7. Cecrops. 2.	2632.	1401.	40.
8. Pandion. 2.	2672.	1361.	25.
9. Aegeus.	2697.	1336.	48.
10. Theseus.	2745.	1288.	30.
11. Menestheus.	2775.	1258.	23.

Menesthei anno regni penultimo capta est Troja, juxta Chronicon Marmoreum, annis 433 ante Epocham Olympiadum.

12. Demophoon.	2798▪	1235.	33.
13. Oxyntes.	2831.	1202.	12.
14. Aphidas.	2843.	1190.	1.
15. Thymoetes.	2844.	1189.	8.
16. Melanthus.	2852.	1181.	37.
17. Codrus.	2889.	1144.	21.

Archontes ad terminum vitae.

1. Medon.	2910.	1123.	20.
Archontes Athen.	Anni M. C.	Anni ante Evang.	Anni Regū
2. Acastus.	2930.	1103.	36.
3. Archippus.	2966.	1067.	19.
4. Thersippus.	2985.	1048.	41.
5. Phorbas.	3026.	1007.	31.
6. Megacles.	3057.	976.	30.
7. Diogenetus.	3087.	946.	28.
8. Phereclus.	3095.	918.	19.
9. Ariphron.	3134.	899.	30.
10. Thespieus.	3164.	869.	37.
11. Agamestor.	3201.	832.	26.
12. Aeschylus.	3227.	806.	22.
13. Alcmaeon.	3249.	784.	2.

Post Alcmaeonem constituti sunt Archontes Decennales, circiter▪mediam Olymp. 6.

1. Charops.	3251.	782.	10.
2. Aesimedes.	3261.	772.	10.
3. Clidicus.	3271.	762.	10.
4. Hippomenes.	3281.	752.	10.
5. Leocrates.	3291.	742.	10.
6. Apsandrus.	3301.	732.	10.
7. Eryxias.	3311.	722.	10.
Archon annuus	3321.	712.	1.

Verum enimvero non sufficit ad confirmationem calculi Marmorei inter ca∣ptum Ilium & primam Olympiadem, accommodasse ei Regum & Archon∣tum Atheniensium annos omnino 26 plures quam vulgo iis imputantur: nisi aliorum regnorum Graecorum, quorum initia putantur ab Ilii capti Epochâ, an∣ni eidem item accommodentur: videlicet Lacedaemonii & Corinthii, ab He∣raclidis in Peleponesum redeuntibus conditorum Heraclidas fratres tres, filios Aristomachi, filii Cleodaei, filii Hylli, filii Herculis, tres inquam fratres, A∣ristodemum, Temenum, & Cresphontem, bello repetentes & recuperantes Peleponesum, condidisse ibi regna: ac Aristodemi filios, Euristhenem & Proclem sive Patroclem, regno Lacedaemonio potitos esse: ex Herodoto, Diodoro Siculo, Apollodoro, Plutarcho, Pausaniâ, Velleio, aliisque intelli∣gitur. Tempus autem ejus conditi notat Thucydides, prooemio historiae, his verbis, 〈 in non-Latin alphabet 〉〈 in non-Latin alphabet 〉. Dores octogesimo evoluto anno post Ilii excidium, cum Heraclidis Pe∣loponesum obtinuerunt. Ei autem suffragatur primus Canon Chronicus E∣ratosthenis apud Clementem Alexandrinum, Stromat. primo, statuens, 〈 in non-Latin alphabet 〉〈 in non-Latin alphabet 〉. A Capta Troja ad Heraclidarum reditum, annos 80. Porro autem secundus & tertius ejusdem Canones simul statuunt. 〈 in non-Latin alphabet 〉〈 in non-Latin alphabet 〉. Inde ad tutelam illam Lycurgi, annos ducentos novendecim. Ac quartus, 〈 in non-Latin alphabet 〉〈 in non-Latin alphabet 〉. Inde ad primam Olympiadem annos centum & octo: qui à reditu Heraclidarum & initio re∣gni Lacedaemoniorum consummant annos 327. Eusebianum vero Chroni∣con exequens annos regum Euristhenidarum tantum, non etiam Proclida∣rum, è quibus fuit Lycurgus; regibus novem ab Euristhene primo ascribit annos summum 325: ad 1. Olymp. juxta Ephorum. Atqui Marmoreus cal∣culus requirit 353, id est, 28 plures quam Eusebianus, 26 quam Erato∣stheneus: & concessis 219 inter reditum Heraclidarum & Lycurgi tutelam po∣stulat 134 inter hanc & Olympiadum Epocham. Plures multumque discre∣pantes fuisse opiniones de tempore Lycurgi, & è Plutarcho ante significavi∣mus, & è Chronico Eusebiano apparet. Omissis autem enormibus, proba∣biliores videntur conciliari posse ex eo quod asserit Plutarchus in Solonis vitâ, 〈 in non-Latin alphabet 〉〈 in non-Latin alphabet 〉, Lycurgum regnasse multos annos Lacedaemone: nimirum à morte fratris Polydectae, plus mi∣nus semestri ante natum filium posthumum ••harilaum; quousque legibus latis▪ Charilao nepoti annos jam 25 nato regnum reliquerit. Ab initio igi∣tur tutelae Lycurgi, ad primam Olympiadem fuerint juxta calculum Marmo∣reum anni 134: à fine juxta Eratostheneum, 108. Rursum ab initio, annis 299 post captum Ilium, juxta quosdam. Clementis autores, non quidem ad primam Olympiadem, quo pacto intervallum eousque esset annorum 440, verum ad constitutos primum Ephoros Lacedaemone, haud ita multo post primam Olympiadem, nempe initio quintae, fuerunt anni 150. A fine au∣tem, juxta Plutarchum in ejus vitâ, ad Elatum atque Socios primum consti∣tutos Ephoros, 〈 in non-Latin alphabet 〉〈 in non-Latin alphabet 〉, anni summum 130, id est, 124. Item, ab initio, ad finem belli Peloponesiaci, sub finem regni Agidis filii Archidami, ab illo decimi quarti juxta eundem ibidem, (habentem ut videtur rationem Zeuxidami patris Archidami mortui ante Leotychidem ipsi∣us patrem, alioqui vero unus deest catalogo Herodoteo, lib. 8. inter Pro∣clem & Leotychidem) fuerunt anni plus minus quingenti; vel paulo plures quam quingenti, 〈 in non-Latin alphabet 〉〈 in non-Latin alphabet 〉, i. e. quingenti & sex, juxta praecisiorem Thucydidis rationem, prooemio historiae, si modo pro 〈 in non-Latin alphabet 〉〈 in non-Latin alphabet 〉 legantut 〈 in non-Latin alphabet 〉〈 in non-Latin alphabet 〉 ut ratio postulat: ubi ita legitur. 〈 in non-Latin alphabet 〉〈 in non-Latin alphabet 〉, omnino legendum 〈 in non-Latin alphabet 〉〈 in non-Latin alphabet 〉. Atque totidem propemo∣dum

fuerunt à fine ejusdem tutelae, ad devictos à Thebanis Lacedaemoni••••, vastatamque ferro & igne Laconicam▪ Ep••minondâ duce: juxta Diodo∣rum Siculum, initio lib. 15. iterumque postea, Archonte Athenis Al••i∣sthene; atque etiam postea, Archonte Lysistrato: nec non Aelianum, variae Historiae lib. 13. cap. 43. E quibus vicissim corrigendus est locus Plutarchi in Agesilao, ubi in ejusdem temporis assignatione perperam legitur contra, 〈 in non-Latin alphabet 〉〈 in non-Latin alphabet 〉, pro 〈 in non-Latin alphabet 〉〈 in non-Latin alphabet 〉. Quum vero Lycurgus asse∣ratur, Pausaniâ autore, tulisse leges Lacedaemoniis regnante Agesilao E••ri∣sthenidâ ex altera Heraclidarum stirpe: id quidem juxta Chronicon Eusebia∣num stare non potest, utpote quo tribus regibus Agesilaum, postquam re∣gnârat annos 44, insequentibus usque ad primam Olympiadem, ascribantur 137 anni, Archelao 60, Teleclo 40, & Alcameni 37: nimirum tres plures, quam ab ultimo initio tutelae Lycurgi putantur ad eandem. Verum juxta Puteani Excerpta barbaro-latina, potest: utpote in quibus legatur; Age∣silaus, annos 30. Cemenelaus annos 44. Archelaus, 60. Celeclus, 40. Alca∣manus 27. Automedus, 25. Simul Reges Lacedaemoniorum permanserunt in regno [usque ad primam Olympiadem] annos 350. Ubi pro Cemenelaus, Scaliger legendum autumat, 〈 in non-Latin alphabet 〉〈 in non-Latin alphabet 〉, & Menelaus. Sed quum nullus e∣jus nominis rex Lacedaemonius agnoscatur, nec ab Herodoto recensente o∣mnes ab Euristhene ad Leonidem, lib. 7. nec à Pausania, nec ab Eusebio, nec à quoquam, quod sciam, alio; & anni huic ascripti in Excerptis sint plane iidem quos Eusebius ascribit Agesilao: videatur potius legendum, 〈 in non-Latin alphabet 〉〈 in non-Latin alphabet 〉, & quidem alius, sive alius autem, sc. Agesilaus▪ ideoque duo Reges Agesilai, alter alteri in regno succedens, ab aliis perperam in unum confusi, in his Ex∣cerptis, utcunque alias mendosissimis, videntur recte distincti esse. Perinde autem postremus ille, Automedus, quum à nemine agnoscatur; & particularem summam annorum singulis regibus ascriptorum, extendat longe ultra summam universam 350, utpote usque ad 370▪ videatur ab ineptissimo & igna••issimo Interprete, qui ne legere quidem potuerit Graeca, ne dum intelligere, confictus esse è Graeci Autoris verbis, quibus significatur eundem Alcamenem, juxta alios regnasse 25: forte his, 〈 in non-Latin alphabet 〉〈 in non-Latin alphabet 〉, ipse vero nonnullis, sc. autoribus, annos 25. Quocirca ascriptis Alcameni annis tantummodo 25 ante primam Olympiadem, quo pacto initium tutelae Lycurgi annis 134 antea inciderit no∣vennio ante mortem Agesilai posterioris; ut omnibus praecedentibus Euse∣bianis regibus Euristhenidis maneant sui annorum numeri: priori illi Agesilao in Excerptis significato imputandi fuerint non 30 tantum sed 40 anni. Qui∣bus admissis series & situs Lacedaemoniorum Regum ab Euristhene, inter He∣raclidatum reditum & primam Olympiad••m, fuit hujusmodi.

Reges Lacedaem.	Anni Mundi	Anni ante Evang.	Anni reg.
1. Euristhenes.	2876.	1157.	42.
2. Agis.	2918.	1115.	1.
3. Echestratus.	2919.	1114.	35.
4. Labotas.	2954.	1079.	37.
5. Doryssus.	2991.	1042.	29.
6. Agesilaus 1.	3020.	1013.	40.
7. Agesilaus 2.	3060.	973.	44.
8. Archelaus.	3104.	929.	60.
9. Teleclus.	3164.	869.	40.
10. Alcamenes.	3204.	829.	25.
Prima Olymp.	3229.	804.	0.

Ceterum quod post Charilai ex altera Heraclidarum stirpe, nepotis Lycur∣gi, annos 64 regni, Nicandrum regnasse annos 39, autor fertur Sosibius Laco in Chronographia; ejusque anno 34 actam esse primam Olympiadem: pro 39 & 34 legendum esse 49 & 44, ex iis quae dicta sunt apparet. Ac sane ex illis 108 annis Charilai & Nicandri ante primam Olympiadem, videatur Era∣tosthenes

composuisse Canonem tutelae Lycurgi; sed perperam imputans tu∣telam primis annis absoluti liberique jam ab ea regni Charilai: qui ex hac sup∣positione nonagesimum aetatis annum attigerit. Nisi forte desit unus etiam inter Charilaum & Nicandrum. Qui Plutarcho praestet reges 14 à Lycurgo ad Agidem, & quidem incluso in numerum utroque.

Omnino autem Heraclidarum reditum in Peloponesum, regnique initium Lacedaemone, contigisse non modo annis 350 ante primam Olympiadem, quemadmodum & Excerpta, & Eusebii Graeca Syncellana, quanquam haud sibi constantia agnoscunt, sed etiam integris 353, juxta Chronicon Marmo∣reum, ex eorundem regno Corinthi intelligere licet. Cujus initium ab A∣lete, quinto vel sexto ab Hercule, etsi Eusebius statuit una cum initio regni Euristhenis & Proclis Lacedaemone: Didymus tamen apud Scholiastem Pin∣dari, Olympionicarum Odâ 13, asserit Aleten coepisse regnare Corinthi an∣nis 30 post Dorum, sc. cum Heraclidis, advectum in Peloponesum. Cui suffragatur quoque Velleius. Regibus autem Corinthi duodecim ab Alete, & Excerpta, & Eusebius tum Latinus, tum Graecus, & fragmentum Diodori Siculi ex Syncello, ascribunt saltem 323 annos ante primam Olympiadem. Quorum Catalogum Eusebianum, nostris Epochis accommodatum utique hic subjicimus.

Reges Corinthi.	Anni Mundi	Anni ante Evang.	Anni regni
1. Aletes.	2906.	1127.	35.
2. Ixion.	2941.	1092.	37.
3. Agelaus.	2978.	1055.	37.
4. Prumnis.	3015.	1018.	35.
5. Bacchis.	3050.	983.	35.
6. Agelas.	3085.	948.	30.
7. Eudemus.	3115.	918.	25.
8. Aristomedes.	3140.	893.	35.
9. Agemon.	3175.	858.	16.
10. Alexander.	3191.	842.	25.
11. Telestes.	3216.	817.	12.
12. Automenes.	3228.	805.	1.
Prima Olymp.	3229.	804.	0.

Post annos 952, quam ab Alete erat condita, Corinthum funditus diruit Lucius Mummius, juxta Velleium, summum uno anno ante nostrum calcu∣lum: quum nostra Series rerum Romanarum conferat Corinthi, ut & Car∣thaginis excidium in annum 3859. M. C. qui erat 174 ante Evang. Porro au∣tem praeter tria illa Graecorum regna exposita in Chronico Eusebii Latinum quoque dependet ab Epocha Trojae captae. Quod proinde etiam Chronici Marmorei Epochae capti Ilii accommodandum est. Quanquam igitur Diony∣sius Halicarnasseus, lib. 1. Roman. Antiquitatum, Porcio Catone autore sta∣tuit Romam conditam ad Latini regni finem, quadringentis triginta duobus annis post captam Trojam: tamen cum agnoscat illum nullam Graecam tem∣poris notationem exposuisse, ideoque ipse calculum Catonianum applicet Canonibus Eratosthenis ponentis annos quadringentos & septem inter Ilium captum & primam Olympiadem: haud perinde liquet Catonem ipsum ad e∣osdem Canones referri voluisse: quin potius, quum idem Dionysius in pro∣xime praecedentibus retulerit Timaeum Siculum scripsisse Romam conditam annis duobus de quadraginta ante primam Olympiadem; Cincium autem, & alios, annis plus minus totidem post: probabile sane est, Catonem censuisse conditam circiter ipsam Epocham Olympicam; ideoque eundem numerum annorum 432 accommodasse pariter utrique Epochae, inquam, & Olympi∣cae, atque Romae conditae. Quo pacto proxime Chronici Marmorei calculo, nimirum intra unum annum convenit. Jam vero Puteani Excerpta Barbaro-latina statuentia Ilii excidium, Epochae suae anno 4355, Romam vero à Ro∣mulo conditam, anno 4820 intervallum annorum 465 interea, pro regni

Latini duratione admittunt. Chronicon autem Alexandrinum ponens ca∣ptum Ilium anno 4249 Epochae suae: Romam conditam statuit anno quarto septimae Olympiadis, à Romulo & Remo, tunc 24 annis natis, Epochae suae ejusdem anno 4775; nempe 526 post Ilii excidium. Itaque hi calculi inter∣valli temporis ab excidio Ilii ad conditum Romae, sive durationis regni La∣tini, satis superque conferunt ad confirmandum intervallum Chronico Mar∣moreo expositum ab Ilio capto ad primam Olympiadem. Verum ubi anni illi 26, quibus Canon Marmoreus excedit Eratostheneum, in••erendi sint, innunt Excerpta Puteani, collata cum Eusebianis Graecis Georgii Syncelli. Quum enim Dionysius Halicarnasseus referat Aeneam occubuisse in praelio contra Mezentium Tyrrhenorum regem, annis 7 post captum Ilium, & 4 post Latini mortem: Puteani Excerpta, duobus locis, priore inter Judices & Reges Israeliticos, posteriore inter Atheniensium & Lacedaemoniorum regna, ascribunt ei regni annos 38 post Ilii excidium, quorum priores 19 communes ei cum Latino: Syncelli vero Graeca Eusebiana, primum imputantia tres pri∣mos annos regni Aeneae communes cum tribus postremis regni Latini post ca∣ptum Ilium, & tres alios post Latini mortem; deinde agnoscunt nonnullos ascribere Aeneae regni annos 8, putandos à 9 post captum Ilium: ac demum referunt Aeneam post captam Trojam, regnasse annos 23. Atque his videli∣cet Excerptis Puteani & Syncelli, convenire Eclogam Graecam Isaaci Casau∣boni de regno Latino significat Scaliger: quam nescio quare inter alias illius Eclogas, praeter institutum hic omiserit, nisi quod suo calculo & Canoni Era∣tostheneo neutiquam quadraret. Itaque si regni Aeneae anni 38 suppeditati ab Excerptis Puteani, & 23 ab Eusebianis Syncelli, ita componantur; ut prior numerus priorum, posterior autem posteriorum admittatur: fient 33, viz. 26 plures quam Dionysii Halicarnassei calculus Eratostheneus exhibet: quorum primi tres utique communes fuerint Aeneae cum Latino, juxta Dio∣nysium pariter ac Syncellum; deinde autem 30 proprii Aeneae, post Latini mortem: ut proinde regnum Latinum steterit annis 461 proxime, ab Ilio capto ad Romam conditam; undetriginta pluribus quam statuit idem Dio∣nysius. Etenimvero, quum nos autore Quinto Fabio Pictore, suffragante etiam Chronico Alexandrino ut modo vidimus, Romam conditam statuamus triennio serius quam Dionysius, nempe sub exitum septimae Olympiadis & initium octavae, Eusebianus numerus annorum 44 regni Amulii penultimi regis Latinorum, biennio superans Dionysianum, una cum primo anno Nu∣mitoris regis ultimi, eo nos deducet: quemadmodum sequens catalogus re∣gum Latinorum cum particularibus summis annorum cujusque, ceteroqui Dionysianus, accommodatus nostris Epochis annorum Mundi conditi, & ante principium Evangelii, manifestum faciet.

Reges Latini.	Anni M. C.	Anni ante Evang.	Anni Regni
1. Latinus.	2796.	1237.	3.
2. Aeneas.	2799.	1234.	30.
3. Ascanius.	2829.	1204.	38.
4. Sylvius posthum.	2867.	1166.	29.
5. Aeneas Sylvius.	2896.	1137.	31.
6. Latinus. 2.	2927.	1106.	51.
7. Alba.	2978.	1055.	39.
8. Capetus.	3017.	1016.	26.
9. Capys.	3043.	990.	28.
10. Capetus. 2.	3071.	962.	13.
11. Tiberinus.	3084.	949.	8.
12. Agrippa.	3092.	941.	41.
13. Allades.	3133.	900.	19.
14. Aventinus.	3152.	881.	37.
15. Procas.	3189.	844.	23.
16. Amulius.	3212.	821.	44.
17. Numitor.	3256.	777.	1.
Roma Condita.	3257.	776.	0.

Pergamus vero etiamnum ulterius, ad examen Epocharum Chronici Mar∣morei sequentium deinceps à praelio Marathonio usque ad finem.